— GESTAPÓ —
gregory maggots
Óbreyttur gestur.
Dagbók - 4/12/06
Vort (elsku litla) persónulega helvíti

. "Farð'í heitasta hel! Skaki hörmunga él<br /> hnöttinn af braut sinni, og þá er vel!" .

Góð vinkona hafði samband við mig í dag og bauð mér að mæta með sér að horfa á heimildarmynd bandarísks stjórnmálakappa um það hvernig við erum á góðri leið með að tæma auðlindir jarðar og senda okkur sjálf í heitasta helvíti.

Eftir einhverjar vangaveltur hef ég komist að þeirri niðurstöðu að ég sé engan veginn í skapi til að horfa á það hvernig heimurinn er að fara til fjandans og hvað ég geti gert til að bæta mig í þeim efnum. Mitt persónulega [vinnu-]líf er að fara til fjandans í sínu góðmenna en óþægilega fámenna vinnuumhverfi, og það eina sem veitir mér svefn á næturnar er að gefa skít í það allt saman.

Nema samstarfskonu mína. Hún gefur mér kaffi.

Og það eina sem gæte lejklega kætt meg være að taka öpp lenmælge.

   (1 af 4)  
4/12/06 02:01

hvurslags

Ég hef engar áhyggjur af auðlindum jarðarinnar.

4/12/06 02:01

Texi Everto

<Herðir upp nokkrar lausar skrúfur í Gregory til að laga linmælgina>

4/12/06 02:01

Þarfagreinir

Ég mun fara, þar sem sýningin er ókeypis og þar verður fullt af litlum kommatittum eins og mér.

Hvað auðlindirnar áhrærir, þá tel ég að þar sé margt uggvæntlegt sem ber að taka alvarlega. Skárra er að hafa varann á en að fljóta sofandi að feigðarósi.

Annars þykir mér vanta smáatriðin í þessu stutta riti. Vona að þetta leysist allt saman farsællega, hvað svo sem það er nú.

4/12/06 02:02

krossgata

Sammála, mánudagar eru ekki góðir til að horfa á heiminn fara til fjandans á tveimur tímum eða svo. Enda voru þriðjudagar fundnir upp til þess. Þetta ber auðvitað vott um hrikalegt skipulagsleysi að sýna heimsendi á mánudegi.

4/12/06 02:02

Dula

já enda hefur enginn tíma í tittlingaskít einsog heimsendi á mánudegi.

4/12/06 02:02

Hakuchi

Þú hefðir átt að stinga upp á góðri Schwarzeneggermynd í staðinn fyrir heimsósómann. Commandó til dæmis. Það er mjög umhverfisvæn mynd. Arnaldur vaðar um og hreinsar upp óþverra sem mengar jörðina með M60 vélbyssu.

4/12/06 03:01

Nornin

Al Gore og Schwarzenegger ættu að vera góðir saman. Gore gæti bent á ljótu kallana og Arnaldur skotið þá.

1/11/09 09:02

Sannleikurinn

Jeg held að Gore myndi frekar frjósa úti , haldandi því fram að hnattræn hlýnun sé að ofsækja sig og Arnold myndi sennilega hringja í einhvern á Íslandi biðjandi viðkomandi um að leika á móti sér.........

1/11/09 09:02

Sannleikurinn

hvurslags ef fólki er ekki annt um umhverfi sitt hefur það ekki rétt á að lifa eða vinna í því umhverfi. Réttindi eru eitthvað sem við vinnum okkur inn í dag en ekki lengur sjálfsagður hlutur sem er tekinn af einhverri léttúð eins og áður - virðingarfyllst.
Auðvitað hafa menn áhyggjur af auðlindum jarðar miðað við þær aðstæður sem þær eru í núna - en það verður ekki svoleiðis mikið meira eftir því sem við þroskumst og finnum betri leiðir til að nýta frekar en að sóa orku.

gregory maggots:
  • Fæðing hér: 28/9/05 19:06
  • Síðast á ferli: 4/5/11 14:27
  • Innlegg: 56
Eðli:
Áhugamaður mikill um líkamsmótun og aftökuaðferðir. Nautnaseggur hvað bókmenntir og vín varðar. Þjáist af léttvægri tunglsýki. Missamkvæmur sjálfum sér og fremur klofinn á köflum.
Fræðasvið:
Aðferðafræði aftakna, sjálfsvíga og pyntinga. Geymsluaðferðir blóðvökva til síðari tíma neyslu og notkunar. Stundar markvissar og fremur reglulegar vangaveltur um tilvist mannskyns og hegðun þess.
Æviágrip:
Undirritaður fæddist á ofanverðri 19. öld í uppsveitum Húnavatnssýslu. Núverandi ríki er á botni Vatnsdalsár, þeim megin sem snýr inn að jarðarmiðju. Stefnir á heimsyfirráð og pyntar lítil börn og dýr í frístundum.