Svokallaðar rannsóknir benda til að hollt sé að hætta að reykja.
Nú sit ég og reyki síðasta vindilinn. Þetta er vindill af Cohiba tegund og einn sá sverasti sem ég hef reykt. Það tók drjúga stund að handfjatla gripinn, þukla, lykta og gera hann hæfann til brennslu. Ég bar eldinn að hægt og rólega, saug og smjattaði á hinum endanum og fann hvernig þessi höfugi ilmur fyllti vitin lungun og íbúðina alla. Áhrifin streymdu um æðakerfið um allan líkamann og upp í heila.
Nú þegar ég hef gætt mér á þessum eðalvindli í eina og hálfa klukkustund er hann um það bil hálfnaður. Þvílík nautn.
Ég ætla að sofa með Nicotinell í nótt og dreyma vindla og salsatónlist.
Það var þriggja tíma törn að innbyrða bannsett kvikindið. Geri þetta ekki aftur frekar en að drekka Tequila.
Bannsettur óþverri.
Ég á reyndar kassa af Cohiba sem ég keypti í Havana, ef þú hefur áhuga á að kaupa...
Þakka hlý orð og gott boð Jóakim. Þessir vindlar eru fínasta stofustáss.
Gott hjá þér að hætt að reykja.
Það eru 40 dagar (tæplega eða rúmlega, man ekki) síðan ég hætti og þetta er mun léttara en ég hélt.
Ég var í Havana í lok marz í fyrra líka. Það vill svo til að það eru 2 ár og 2 dagar síðan ég hætti að reykja og langar svo sannarlega ekkert til að byrja aftur...
Já stattu þig strákur...Riddarakveðja...Skál...[Blæs boldungs reykhring yfir sviðið]