Það er orðið langt síðan ég var að þvælast hér síðast, enda búinn að vera mikið fjarverandi vegna skyldustarfa. Það tók mig góðan tíma reyndar að finna út hvernig þetta virkaði allt saman, en það hafðist fyrir rest.
Að þessu sinni ætla ég að deila með ykkur mynd sem ég málaði fyrir eh... já nokkrum tíma síðan, en mynd þessi er reyndar af einum gestapóa. Ekki ætla ég að nafngreina þennan ágæta gestapóa, en það eru kannski einhverjir sem þekkja svipinn, en eru beðnir að halda því bara fyrir sig. Kannski að gestapóinn segi það sjálfur ef hann vill.
Þetta er önnur myndin sem ég byrti hér og vona að þið njótið.
Fínasta mynd. Í ljósi þess að Glúmur er nær allir gestirnir hjer er augljóslega nær öruggt að þetta er hann [Hrökklast afturábak og hrasar við].
Tjaldútilegustíll. Þetta er eins og málað við glóðina frá eldinum og allt annað svört nóttin. Skemmtileg mynd.
Þettað er stórmynd . þó ég þekki ekki raunsvipinn þá er augljóst að hún er listaverk og höfundur verksins hafi skilgreint gleði hennar
Tjaldútilegustíll? krossgata þetta hef ég aldrei heyrt sagt um myndirnar mínar áður, en þetta er ekki langt frá lagi hjá þér. Hvað hún er stór Rósin, ja hún nær alveg hornanna á milli býst ég við.
Þakka góðar undirtektir kæra fólk.
Ég skírði bara stílinn í samræmi við tilfinninguna sem ég fékk við að horfa á myndina. Var alls ekki að gera lítið úr henni nema síður sé. Ég hreinlega var sest við eldinn að hlusta á þessa konu tala hinum megin við bálið.
Ég skil krossgata, og ég var eiginlega sammála þér stílinn. Bara aldrei heyrt þetta áður um myndlist. Lifðu heil.
Þakka þér Prins fyrir þessa huggulegu mynd af mér. Ég var nú talsvert fríðari þarna áður fyrr, áður en mér gránaði grön og kjammarnir loðnuðu.
Ég held að ég viti líka hver þetta er. [Rýnir í myndina með þykkum lesgleraugum]
Ég er ekki í vafa um að Glúmur á þarna hlut að máli... en ég held ég viti hver þetta er.
[Stofnar laumupúkaþráð]
Það er hárrjett hja yður enda er Glúmur (nær) allir gestirnir hjer, þar með talið þjer, og því er þetta mynd af Glúmi. Og þá jafnframt yður. Annars höfum vjer núna sterkan grun um hver þetta er, öfugt við árið 2007.
[Laumupúkast aftur burt]