— GESTAPÓ —
Kargur
Heiðursgestur og  skriffinnur.
Dagbók - 9/12/05
Sumarspeki

Ausið úr drullupolli vizku minnar.

Ég vitkaðist aðeins í sumar. Ekki mikið þó. Og það litla sem ég lærði, lærði ég aðallega af biturri reynslu. Þetta kemur mestmegnis til af mikilli áráttu til að hlusta hvorki á ráðlegginga né varnaðarorð þeirra sem reyna að hafa vit fyrir mér. Kannski að einhver hlusti á ráðleggingar mínar.
Ekki snoðklippa sjálfan þig með skeggsnyrti. Þetta er mun flóknara og tímafrekara en nokkurn gæti grunað. Útkoman er engan vegin fyrirhafnarinnar virði.
Ekki segja sveitalubbum frá Kentucky brandara um sveitalubba frá Kentucky. Þeir eru mun hörundsárari en útilegumannslegt útlit þeirra gefur til kynna.
Ef Mexíkani talar um El Salvadorbúa við þig, skaltu ekki benda á þá staðreynd að það sé ekki neinn munur á Mexíkönum og El Salvadorbúum. Það sama á við um Mexíkana og Kúbverja.
Þú skalt ekki undir neinum kringumstæðum láta plata þig í steypuvinnu í 40 stiga hita. Það sama gildir um girðingavinnu.
Og fyrir alla muni ekki leggja í ferðalög milli heimsálfa með tvö smábörn og flughrædda eiginkonu. Bara alls ekki.

   (26 af 54)  
9/12/05 06:00

blóðugt

Þakka þér fyrir þennan mikla fróðleik Kargur. Verst að þú skyldir þurfa að vitkast á þennan hátt.

Það varð þó a.m.k. góður pistill úr því.

9/12/05 06:00

Offari

Það er ólíklegt að maður láti plata sig í steypuvinnu í 40 stiga hita hér á landi. Við tökum yfir leitt frí þegar hitinn verður svona hár hérendis,

9/12/05 06:01

Útvarpsstjóri

Ég hef margoft snoðað mig með skeggsnyrtinum mínum, og það hefur bara tekist ljómandi vel hingað til.

9/12/05 06:01

Úlfamaðurinn

Sumarspeki er einmitt sú heimspeki sem Íslendingum er lífs og sálar nauðsynjar þurfi nú á dögum. Verst er að enginn heimspekingur hefur enn komið fram, frá dögum Sókratesar, til nútímans, til að lýsa yfir opinberlega að hann sé sumarheimspekingur. Svo að ég geri það hér með fyrstur manna, og hlýt fálkaorðuna á himnum fyrir vikið,

matrixs@mi.is

9/12/05 07:01

Heiðglyrnir

Lengi skal manninn reyna...En þú kemur heill frá þessu og það er fyrir öllu Kargur minn.

Kargur:
  • Fæðing hér: 8/5/05 19:39
  • Síðast á ferli: 15/10/23 21:26
  • Innlegg: 10540
Eðli:
Kargur bóndadurgur.
Fræðasvið:
Ekkert sérstaklega fróður um nokkurn skapaðan hlut.
Æviágrip:
Hefur unnið að fullkomnun sérvizkunnar frá unga aldri. Tilnefndur til nóbelsverðlauna í þrjósku árlega. Gafst upp á hefðbundnum búskap fljótlega upp úr fermingu og vann um stund að kynbótum á könum. Lauk þeim farsællega og býr nú heima í heiðardalnum.