Hinn alíslenski Jólasveinn lagði leið sína til Bandaríkjahrepps um daginn og færði mér góða gjöf.
Takk takk kæri jólasveinn. Takk fyrir nýja dell-hlunkinn sem þú færðir okkur hjónunum á aðventunni. Gamli hp-hlunkurinn var kominn að fótum fram, en þú reddaðir þessu. Ég var búinn að steingleyma hvurnig það er að hafa hljóðkort sem virkar. Mikið agalega er aðventulag Baggalúts nú gott. Og Jólalagið líka. Og þetta skype er nokkuð sniðugt. Takk kærlega fyrir að dellan skuli hafa dvd-skrifara. Mamma gamla verður hæstánægð þegar diskar með ömmustelpunum fara að streyma til hennar. Nú get ég hlustað á Íslenskt útvarp í beinni, þökk sé þér. Enn og aftur ástarþakkir.