Já, einmitt! Þeir sem halda að dónaskapur sé fyndið sjónvarpsefni ættu einfaldlega ekki að láta sjá sig í dagsbirtu. Hugmyndin að þáttagerðinni er ekki ósvipuð og hjá Johnny National, nema hvað að hjá honum vorkenndi maður viðmælendunum. Í þætti Silvíu Nóttar vorkennir maður hinsvegar stjórnandanum.

Þetta ku vera að erlendri fyrirmynd eins og fleira framsækið sjónvarpsefni. Mér þótti þetta takast einstaklega illa og var, rétt eins og Börkur, í öngum mínum eftir að hafa horft á nokkur brot úr þættinum.

Hef ekki séð þáttinn en kannast við "Silvíu" úr kjötheimum. Það sem ég veit um þáttin er að þetta er byggt upp á sama hátt og Ali G. Johnny Knoxville og slíkir "viðtals- og skemmtiþættir". Allt snýst um karakterinn (þ.e. umsjónarmannsins/konunnar) en ekki um einhver málefni, skilaboð eða koma einhverju á framfæri, öðru en þeim viðbrögðum sem sóst er eftir hverju sinni.

Stundum vinalegu/vandræðalegu brosi um [hún er nú meiri kjáninn] eða [ætlar hún að hætta að tala um sjálfa sig?], stundum reiði eða að fólk segi hingað og ekki lengra.
o.s.frv.

Hver sem kallar þennan ófögnuð húmor ætti að fara til geðlæknis með það sama. Það segir sig sjálft að það er ekkert fyndið við svona hegðun, framkomu eða neitt af því sem kom fram í þessum þætti.
Ali G. var þó fyndinn á köflum.
Einhverjir sögðu að þessi hegðun Silvíu ætti að sýna að hluta hvernig sumar unglingsstúlkur væru í raun í dag, en ef svo er, þá þurfa þær stúlkur verulega á hjálp sálfræðinga og uppeldisfræðinga að halda.

Ef þetta verður manneskja sem ungar íslenskar stúlkur eiga eftir að líta upp til, þá ættum við að sökkva Íslandi sem fyrst.

Jón alþjóðlegi var á undan að herma eftir Ali G.
Ég sá hluta úr þættinum hjá þessari stúlku og varð sjálfur feiminn, svona svipað og þegar Auddi sér um „stjórnun á fólki“ í þættinum Strárkarnir á Stöð tvö.
Ég hef ekki gaman af því þegar fólk opinberar (óvart) vanmátt sinn fyrir framan alþjóð.

Hvaða bull er þetta í ykkur? Hún Silvía var ekkert annað en æðisleg. Þið kunnið bara ekki gott að meta. Bravó fyrir henni.

Ég las að það væri einhver leikona og söngkona að leika hana Silvíu?

Ég man ekki eftir að Magnús hafi minnst á þennan þátt í "sjónvarp næstu viku."

Þetta er leikið, ég get ekki trúað öðru... spurningin er hvort þessi þáttur sé einhverskonar tilraun, eða bara til að pirra fólk.

Lómagnúpur, ertu að tala um mig? Annars skil ég ekki alveg þetta hatur ykkar á þessum þætti; þetta er svona semí-fínn vandræðalegheitþáttur í anda Hins þjóðlega. Verst er að persónan sem þarna stjórnar þættinum er of pirrandi til að halda út í heila þáttaröð. En hún á sína spretti.

Verð að sjá þátt. Missi alltaf af þessu.

Ég er bara gáttaður á því hvað þið látið þetta pirra ykkur mikið! Verra sjónvarpsefni hefur svo sannarlega sést.

Mér þótti ágæt spurningin "Er þetta allt stolið?", en sérstaklega svarið "Hvað kemur þér það við?" (skrifað eftir minni).

Nákvæmlega, Isak. Hakucki, þú getur horft á þetta á s1.is...

Nóttin er flott!

Bleh

Je sa egi þattinsko. en jenna, þividið, hú-e voa sæd sko...

hættissu væli addna- þjáumst me' sillvíu er ógisla kúl...

Ég vissi ekki hvort ég ætti að hlægja eða gráta yfir þessum þætti ég var svo agndofa.
Átti þessi grunnhyggni að vera fyndin?
Mér fannst Silvía Nótt sjúklega sorgleg.

Þetta er e-r leikkona, það veit ég. Og hver hlær ekki að góðu rími? Þetta er Sylvía Nótt, sofðu rótt. Helst hafði ég gaman að þrítekningu þessa brandara.

Barbie, ertu þá ekki örugglega að meina þrítekningu sem væri einhvernvegin svona. Þetta er Sylvía Nótt, sofðu rótt, með sárasótt

Furðuvera og barbie, já þetta er leikkona og söngkona [Finnst Ágústa/Sylvía sæt, roðnar óstjórnlega og borar með annarri stórutánni í gólfið]

Ég átti nú við Magnús Bjarnfreðsson.

Hét þátturinn þá ekki Á döfinni eða kom sá þáttur löngu seinna. Ég er ekki nógu gamall til að hafa vit á þessum fræðum.

Þátturinn er FRÁBÆR. Þið væluskjóðurnar ekki. (Hef reyndar ekki séð þáttinn en er staðfastlega þessarar skoðunar eigi að síður.)