Þetta er uppskrift sem ég fann í bók, alveg ótrúlega gott. Stór uppskrift, fyrir 6 - 8 manns, en það er fínt að helminga hana.
CHILI CON CARNE
- 1 kg nautahakk
- 6 - 8 tómatar, saxaðir
- 3 fræhreinsuð og söxuð rauð chili aldin er milt, 5 er sterkt, 7 er geðveiki, þið veljið
- 2 paprikur, ein rauð og ein græn, saxaðar
- 3 laukar, saxaðir
- 5 hvítlauksgeirar, fínt saxaðir
- 3 msk chili duft
- 2 msk cumin
- 1/2 tsk kanill
- 3 msk paprikuduft
- 1 msk oregano
- 1 dós tómata puré
- tvær flöskur léttöl
- ein dós rauðar nýrnabaunir
- salt
- matarolía
Þið semsagt steikið laukinn og hvítlaukinn í matarolíunni í smástund. Brúnið hakkið í lauknum, bætið öllu kryddi nema salti út í og látið malla í 5 - 10 mínútur. Þá er tómötum, tómata puré, paprikum, chili aldinum og léttöli bætt út í og látið malla í tvo klukkutíma en látið vökvann ekki gufa alveg upp. Jahá, þið þurfið að byrja snemma á þessu.
Eftir það má hræra baunirnar út í og hita þær aðeins.
Gott að bera fram með rifnum osti, grænu salati, tortillaflögum og köldum drykk, veri það vatn, kók eða bjór.
Njótið vel.
Og fyrir grænmetisæturnar má nota soja hakk í staðinn fyrir nautakjötið. Þá heitir þetta Chilli non carne!
Ókei, ég kann ekkert að elda og veit ekkert um hvað þú ert að tala en matur með chilli er yfirleitt góður, þannig að bara skál!
Þetta er mjög góður réttur. Ég þarf að elda þetta bráðlega.
Skv. spænskunni ætti grænmetisrétturinn að heita ,,Chili sin carne".
Mmm girnó!
Norna, heldurðu að það væri ekki gott að nota sojahakk og grænar linsur í bland? Jafnvel nokkrar pintobaunir með. Sé það alveg fyrir mér.
Já já Jóakim.. smásmyglin í þér alltaf hreint.
Hitt hljómar bara skemmtilegar!
En blóðugt... ég held að kjúklingabaunir og linsur gætu jafnvel komið alfarið í stað sojahakks.
Anna Panna ætti kannski að svara þessu, hún er meiri grasæta en ég.
Mmmm spenneðe! ég á akkúrat allt sem þarf að nota í þenna rétt nema 2 flöskur léttöl og nýrnabaunir.
En mikið svakalega lofar uppskriftin góðri og girnilegri matarveislu.
Ég er að elda þetta bara akkúrat núna - en það er betra að þetta verði í lagi - annars eru það aftökusveitirnar! Það er semsagt tortillapönnukökur, kássan, maísbaunir, hrísgrjón, gratínostur og garðsalat...namminamm!
Já þetta hljómar ákaflega vel. Fínt að fá svona góða uppskrift í safnið. Ég hugsa að ég eldi þetta ofan í okkur Limbra á morgun.
Skrambi gott bara en ég lýsi efasemdum mínum um að uppskriftin sé ætluð fyrir 6-8 - frekar 16-18. Verð að borða þetta fram að jólum!
Þetta var nú merkilega bragðlítið (sterkt eins og allir réttir sem innihalda þvílíkt magn af pipar engu að síður). Ætli sú staðreynd að ég átti ekki paprikuduft hafi skemmt náttverðinn minn?
Paprikuduft skemmir alls ekki fyrir, en það er ekki nauðsynlegt. Ef þú átt ekki slíkt má bæta fyrir það með meira chili og/eða pipar.
Miðað við styrkleikann á blöndunni held ég að meiri pipar/chili hefði ekki bætt bragðið að neinu leiti. Meiri hvítlaukur og laukur aftur á móti hefði kannski bjargað þessu?
Já, hugsanlega. Þetta eru flókin fræði, og ekk hlaupið að því að finna réttu hlutföllin.
ég hefði reyndar viljað oggupínumeiri lauk - 31/2 ekki alveg nóg - enda er ég lauksjúk - 5-6 laukar held ég passi vel í þessa uppskrift. Hlakka annars mikið til að fara heim og borða leifarnar. Namminamm.