Undarleg en fáránlega góð uppskrift úr heimilisfræði - skólabókardæmi um góðan mat.
FISKUR MEÐ SNAKKI OG GRÆNMETI
- 1 stórt ýsuflak
- 1 dl hveiti
- pipar
- salt
- 1 msk matarolía
- 1 msk smjör
Skerið ýsuflakið í strimla, blandið hveitinu og kryddinu saman og veltið fiskinum upp úr hveitinu(gæti þurft að bæta við hveiti - man uppskriftina ekki alveg). Steikið fiskinn á meðalhita í olíunni og smjörinu og geymið.
- 2 paprikur(ein rauð og ein græn - til að gefa lífinu lit)
- 1 púrrulaukur
- 1 sellerístöngull(ég myndi reyndar sleppa þessu, enda er ég svarinn óvinur sellerís)
- svo má nú alveg bæta við grænmeti eins og ykkur hentar
- 1 dl matreiðslurjómi
- 1 dl ananassafi
- 1/4 tsk túrmerik
- 1/4 tsk karrí
- 1/2 tsk ítölsk kryddblanda(jájá, ekki voga ykkur að sleppa þessu)
- 1 tsk tómatmauk
- 1 tsk hveiti
- 1/2 tsk sykur
- 1 tsk fiskikraftur(hálfur teningur)
Mælið nú allt kryddið, safann og rjómann nákvæmlega og hafið tilbúið. Skerið grænmetið í netta litla bita og steikið í nokkrar mínútur á pönnunni. Hellið rjómanum og safanum á pönnuna og bætið kryddinu við. Hrærið vel í, og svo væri gott að smakka þetta til og laga ef þið viljið. Hitið þetta ágætlega og hellið í eldfast mót. Raðið fiskinum snyrtilega ofan á.
- ostur
- snakk með papriku
Hér kemur undarlegi parturinn, rífið ost og myljið snakk og blandið því saman. Stráið svo yfir fiskinn í eldfasta mótinu og setjið undir grill í smástund, þangað til osturinn er bráðnaður.
Gott er að hafa hrísgrjón og kannski salat með.
Lítið mál. Gefið mér 20 mínútur.
[Hefst handa]
Hljómar vel. Er ekki bara gott að drekka blút með þessu ?
Þetta er án efa gott en ég opinberlega á móti ensku karríi. Það er ekki nóg fínt fyrir mig sko. [Snýr trýninu upp til himna]