Væmnis væl í litlu skotnu laufblaði.
Það er merkilegt hvernig hún læðist upp að manni. Fyrir svona 3-4 vikum var allt ömurlegt...jæja kannski ekki beint ömurlegt og kannski ekki alveg allt, en útlitið var ekki gott. Heimskuleg árstíð fyrir ástina sagði einhver. Ég var ótrúlega sammála, hafði enga ástæðu til að mótmæla þessu. Svo eins og hendi sé veifað poppar upp maður sem gerir mig svo hamingjusama að ég hef ekki fundið fyrir þvílíkri hamingju áður. Hún er einhvernvegin svo allt öðruvísi en allt það sem á undan hefur komið (og farið). Á litlum sem engum tíma finnst mér ég hafa fundið manneksju sem er í einu svo lík mér en jafnframt svo ólík. Við speglum hvort annað. Ullum á hvort annað. Mig langar fátt meira en að snerta hann. Finna fyrir honum. Heyra rödd hans. Finna lyktina af honum. Mig langar að hlaupast í burtu frá öllu sem ég þekki og prufa nýja hluti, nýja staði. Hann myndi passa mig ég veit það. Hann er svo góð manneskja. Með svo stórt hjarta. Getur passað lítil, vitlaus laufblöð eins og mig. Ég er skotin.
Vildi bara að þú vissir þetta elskan mín....
(13 af 29)
Ég vonast að þessi sjaldséði gripur elski þig af öllu hjarta þú átt þess sannalega skilið.Ég vona líka að við öll hin sem bíðum eftir hinni einu sönnu ást finnum hana bráðum . Farðu vel með þig og kærastann þinn að elífu!
Til hamingju kæra lauf. Ég gæti alveg hugsað mér sömu tilfinningu en af hreinskilni minni hef ég gert hugsanlegum kandítötum það ljóst að ég hef bara ekki efni á að sjá fyrir konu í augnablikinu.
Ég þekki þessa tilfinningu, þó ég sé ung. Vonandi munt þú eiga auðveldara með að fá hana endurgoldna.
Til hamingju með þetta lauf. Var þetta nokkuð tígull sem þú hittir? [Glottir eins og fífl]
Tígulegur spaði sem hitti laufið í hartastað... Ólsen Ólsen <brosir eins og fáviti> Njóttu ástarinnar
Innilega til hamingju! Það er svo yndislegt að vera skotinn - þessar fyrstu vikur með spenningnum og fiðringnum... Passaðu þig bara að fara ekki of geyst samt...
[Sækir um nálgunarbann á Laufblaðið fyrir dómstólum]
Ég spauga. [Forðast tómataköst af mikilli fimi]
Til lukku með skotið.
Innilega til hamingju, litla laufblað. Megi skotið þróast í ást sem endist alla ævi.
Takk fyrir hamingjuóskirnar dúllurnar mínar...þetta verður yndislegt hugsa ég.
- Fæðing hér: 16/3/05 10:53
- Síðast á ferli: 11/9/11 05:50
- Innlegg: 2480
