Jæja, þannig er mál með vexti að ég á fiska... ekki að ég sé einhver sérstakur fiskunnanndi, ég er bara með ofnæmi fyrir næstum öllum öðrum dýrum, og það er bara ekki vel séð af húsfélaginu að hafa kind í íbúðinni hjá sér (ekki með ofnæmi fyrir þeim). Allavegana, þá á ég þrjá fiska sem eru ofsalega sætir og krúttulegir, einn þeirra heitir Fischer (hann var alltaf að synda á glerið fyrst eins og hann vildi komast út, svona eins og Bobby og svo passar fiskur og fischer svo vel saman), nú þessi númer tvö heitir Eric the half a Fish (átti sko annan sem hét Eric the Fish, en hann dó, svona eins og fiskar eiga til að gera) Og þá kem ég loks að þeim þriðja, þetta er stelpan í hópnum en svo óskemmtilega vill til að mér dettur ekki í hug nafn á hana! Ég veit að ég er ömurlegur gæludýraeigandi, að geta ekki einu sinni fundið nafn á fiskinn minn. Þar kemur þú til sögunnar, ó já lesandi góður, ég vil biðja þig að koma með uppástungu að nafni á littla fiskinn minn. Hafði ég hugsað mér að gera þetta að keppni þar sem sá aðili sem kemur með vinningsnafnið fær verðlaun (já þú heyrðir rétt) !!!
Það er kannski best að ég lýsi henni svo fólk geti komið með nöfn að viti.

Nú hún er STELPA svo engin stráka nöfn takk.
Þetta er rauðhettufiskur en þeir eru hvítir með rauðan koll, en hún er líka með svona rauðan blett á sporðinum svo hún er pínu spez.
Hún er líka voða fjörug.

Þetta þurfa ekki að vera típísk gæludýranöfn, mega endilega vera einhverjar þekktar persónur, þó verða þær að passa við fiskinn

Ekki vera hrædd við að koma með tillögur, ég þarf á þeim að halda, og svo er þetta líka keppni þar sem sigurvegarinn fær óvænt verðlaun! (verðlaunin eru ekki bara þakkir)
Let the games begin!