Varðandi lokun Gestapó.
Veit ekki hvort það hjálpi nokkuð en ég ætla samt að segja það "Ég sagði ykkur þetta, séntill skal hafður í nærveru sálar." En þar sem það er ekki í tísku að vera kurteis, hlustuðu vissir töffarar ekki á mig og nú súpa allir seiðið af því. Ég var svosem nánast búinn að gefast upp á að vera hér vegna alls sorans og ruglsins en ég mun samt sakna Gestapó ef hann hverfur.
Þetta byrjaði í rauninni með TC sem setti fordæmi varðandi að geta vaðið uppi nánast óritskoðaður. Eftir það voru flóðgáttir opnaðar og menn sáu að ekkert myndi stoppa þá í að haga sér eins og villimenn, allt "í nafni kímninnar". Auðvitað er sumt gróft orðbragð leyfilegt, tungumálið verður að fá að njóta sín til fullnustu, en öllu má ofgera... og það var gert hér.
Ég vil benda á að þó svo að þeir sem kæri séu kannski þeir einu sem hafa stigið fram og opinberlega kvartað þá eru ábyggilega fjöldamargir úti í samfélaginu sem þegjandi létu sig hverfa úr samfélagi Gestapó, vegna þess hve langt var gengið í óþarfanum.
Nú eru vafalaust margir sem lesa þetta hjá mér og huxa með sér "þvílíkt væl" en ég held að ef fólk hefði hlustað á vælið strax frá upphafi hefði mátt koma í veg fyrir kærur og lokun Gestapó.
Óþarfa sori drap Gestapó !
(Að lokum vil ég benda á að ég átti ekki neinn þátt í kærum á hendur Ritstjórnar. Pirringurinn sem ég hef haft gagnvart sumum hér hefur eingöngu haldið sig á Gestapó.)
Gestapó er nú ekki dautt ennþá - það má ábyggilega bjarga þessu - en ég verð að segja að ég er hjartanlega sammála þér varðandi óþarfa sora hér innan veggja.
Hvar eru friðargæsluliðarnir? Voru þeir ekki ráðnir til að hafa stjórn á þessu?
Ekki held ég að gagnist okkur að leita sökudólga í máli þessu, heldur horfa inn á við, og taki svo hver til í eigin ranni.