Það var hann!

Augljóst er að hjer eru óvinir ríkisins og/eða Hreintrúarflokksins á ferð [Bætir nokkrum nöfnum á listana yfir óvini baggalútíska heimsveldisins og kemur fyrir hlerunartækjum út um allt].

[Kaupir gríðarlegt magn af vopnum og pyntingartækjum fyrir Sérsveitir ÖLÍS]

Ég þakka skjót viðbrögð. Það þarf að taka á þessum kauðum áður en þeir ná að gera aðra atlögu. Ekki veit ég á hvern Haraldur er að benda.

Þennan þarna!

Já, nú hann? Nei ég held varla.

Ég hef þegar fyrirskipað sprengjuárásir á Klakksvík í refsingarskyni.

Sökuldólgarnir munu finnast, sama hve margir saklausir munu líða fyrir það.

Nei Hakuchi, ekki ráðast á Færeyinga. Þeir eru vinir mínir. Reyndar þarf ég að skreppa til Færeyja fljótlega og ég verð í vondum málum ef þeir frétta að þú hafir látið ráðast á Klakksvík mín vegna.

Varaðu þig á þeim. Þeir eru úlfar í sauðagæru.

Danskir heimildamenn mínir tjá mér að Færeyingar eiga ekki sök á þessari árás. Enda tæknilega geldir og ráða varla við sjónvarpsfjarstýringu, hvað þá sprengjuútbúnað sem koma má fyrir í eldhúsljósi.

Tel ég líklegra að hér séu á ferðinni útsendarar S.Pr.Eng.Ja. (Samtök Presta í Engilsaxnezkum Jafnaðarflokkum).

(Eða að þú settir 10 kerta peru í 8000w perustæði.)

-

Þetta var ég, hver annar myndi svo sem nenna að hrekkja þig.

Nei, nú trúi ég ekki mínum eigin augum. Ég sem hélt að við feministi hefðum verið samherjar í gömlu Andspyrnunni. En svo bregðast krosstré sem önnur. Ég eftirlæt svo Hakuchi og Vladimir að ákveða hæfilega refsingu.

Ei skortir feminista þrjósku og er eftir því sem vjer best vitum enn í stjórnarandstöðu. Stjórnarandstaðan sú er hins vegar orðin svo fámenn (fjöldinn í henni er trúlega einungis einum hærri en núll) að hún er yfirleitt meinlítil, a.m.k. miðað við aðrar ógnir er steðja að baggalútíska heimsveldinu [Rannsakar málið nánar og veltir fyrir sjer hugsanlegri refsingu].

Skelfing er að heyra að svo góður og frómur guðsmaður búi við stöðuga ógn á heimili sínu. Sárar fannst mér þó að sjá að biskup vor má búa við þá hneysu að hýrast í íbúðarkytru við illan kost.
Hvernig stendur á því að okkar ágæti biskup hefur enn ekki fengið embættisbústað við hæfi? Ég veit ekki betur en það séu ágæt, lítt byggð lönd víðs vegar um veröldina sem myndu henta vel sem aðsetur Hr. Hafralóns, t.d. Kanada (sé hann heitfengur, Brasilía (sé hann kulvís), ellegar Frakkland (vilji svo til að honum þyki sopinn góður). Þessu verður að kippa í liðinn og það strax. Ráðuneyti mín eru tilbúin að leggja fram drjúgar upphæðir svo reisa megi biskupi bústað.

Einnig kemur til greina að stækka Vladikanið.

Þakka ykkur fyrir, Júlía og Vlad. Mætti ég kannski biðja um þrjá bústaði, einn í Kanada, annan í Brasilíu og þann þriðja í Frakklandi. Þá get ég flutt mig til eftir því sem best hentar hverju sinni.