Fyrr í þessari viku sá ég aldrei slíku vant hluta af þættinum Ísland í bítið á stöð 2. Þar var verið að ræða við einhvern tölvuspeking, sem var að kynna ný kennsluforrit fyrir börn. Forrit þessi eiga víst að kenna ungum börnum að umgangast tölvur, skrifa tölvupóst og sitthvað fleira.
Með tölvuspekingnum var ung stúlka ca. 5-6 ára gömul, sem ég ætla að hafi verið dóttir hans. Þegar kynningunni var lokið vildi annar þáttarstjórnandinn, sem mér skilst að sé forstjórafrú (Inga Lind) ræða örlítið við telpuna.
Hún spurði telpuna hvað hana langaði mest að fá í jólagjöf en sú stutta var feimin og svaraði litlu. Forstjórafrúin svaraði því fyrir hana og sagði: "Nýja tölvu kannski?"
Mig rak í rogastans. Var frúnni alvara? Getur verið að einhverjir gefi 5 ára börnum tölvur í jólagjöf? Ég hef að vísu heyrt að fólk sé farið að gefa jólagjafir, sem að andvirði jafnist á við fermingargjafir. Mér er bara öllum lokið og kalla þetta firringu jólanna.
Ég held að við megum ekki gleyma hinum sanna jólaanda og verum minnug þess að það er hægt að gleðja aðra án þess að setja sjálfan sig í botnlausar Visa skuldir og raðgreiðslur.
Ég óska svo öllum Bagglýtingum gleðilegra jóla, farsæls nýs árs og þakka árið, sem er að líða.
Herbjörn biskup.
Það var nú talað við forstjóra ræsis í DV í gær og þar kom fram að útgerðarforstjóri hafði keypt 14 miljón króna bens sem hann var að gefa í jólagjöf. Kortið straujað einu sinni fyrir allri upphæðinni.
Hafið Gleðileg jól.
Já það er nógu slæmt að ætlast til þess að maður gefi börnum, hvað þá á þessum aldri, tölvu í jólagjöf. En til að kóróna allt var það "ný tölva"! Þar með er ætlast til að krílið eigi þá þegar tölvu, sem væntanlega er þá orðin of gömul??? Þá mætti lesa úr þessu að barnið hafi kannski fengið fyrstu tölvuna sína í skírnargjöf??? Nei maður bara spyr sig sko...