Baggalútur

— GESTAPÓ —

Í uppáhaldi:

Hvað dettur yður í hug?

Velkomin, lömbin mín

Félagsrit:

Ísdrottningin

Heiðursgestur.

Sálmur - 9/12/07

Kvennasöngur fyrir messugöngur

Ef kvennasálm þennan þú lærir - maka þínum þú gæfu færir.

Nú kenna skal hvað kona er að vera
sem karlinum vill allt hæfis gera.

Hún þarf að vera svo undurfríð
og karlinum sínum ávallt blíð
með matinn kláran á mannsins tíma
má ekki hanga sífellt í síma
með skyrtuna strokna inni í skáp
allsekki stunda óþarfa búðarráp

Baka þarf blessuð konan að kunna
og kunn' að haga sér prútt eins og nunna
en barn skal hún samt sínum manni ala
og sleppa yfir íþróttunum að mala
Karli sínum sífellt skal hæla
og síðan á kvöldin við hann að gæla

Frúin skal gæta að vextinum fínum
jafnvel þó karlinn tapi sínum fyrri línum
Hann ávallt skal styðja í framapoti
og fá frameftir að sofa heima í koti
Heimilið skal vera svo strokið og fínt
að karlinn geti það öðrum sýnt

Konan skal kunna að negla og saga
Svo þurfi hún ekki karlinn að plaga
garðinn þarf að hreinsa og bílinn að bóna
og bursta af manninum betri skóna
Svo skal hún brosa og vera fín
svo karli hennar glepjist ekki sýn

En rói hann á önnur mig
hún þarf að kunna að halda frið
Þið skiljið það eflaust betur nú
hver vandi það er að vera frú

(6 af 33)

9/12/07 11:02

Billi bilaði

<Hagræðir á sér svuntunni og tekur niður púnkta>

9/12/07 11:02

Gísli Eiríkur og Helgi

Ég samhryggist þér og systrum þínum hlut ykkar enn gleðst með þér yfir snildargóðum sálmi

9/12/07 11:02

Z. Natan Ó. Jónatanz

Þetta er barasta einsog uppskrift að draumakonunni...

En að gríni slepptu, er hér á ferð kraftmikið kvæði með beinskeyttan boðskap. Hámarkseinkunn mætti það verðskulda, ef ekki væri fyrir tvennt smávegis:
Annarsvegar a.m.k. tvær minniháttar innsláttarvillur. Hinn mínusinn er að dálítið misræmi er í ljóðstafasetningu, þ.e.a.s. ekki vel ljóst hvort höfundur ætli sér að brúka ljóðstafi eður eigi.
En líta má svo á, m.t.t. til inntaks kvæðisins, að bragfræðin sé algert aukaatriði.

Hafðu þökk fyrir gott rit.

9/12/07 12:00

Regína

Mér finnst þetta kunnuglegt.

9/12/07 12:01

Ísdrottningin

Ég játa að ég var frekar syfjuð í gærkveldi þegar ég baksaði við að snara þessu yfir á ástkæra ylhýra, ég reyndi að stuðla í sem flestum línum en kunnáttan á því sviði er minni en engin og útkoman í samræmi við það. <roðnar og borar pennanum ofan í skrifborðsplötuna>