Lifi Lýsið!

Var einmitt, meðan ég las þetta, að skófla í mig hýðishrísgrjónum með hvítlauk, lauk og léttsoðnum þorski með dilli, pipar og sjávarsalti.
Skolaði því niður með vatni.

Helvítis ofsóknaræði.

Æ, ísdrottning. Leiðinlegt að sjá hvað þú ert gegnsýrð af vanþekkingaráróðri heilsufóðurshommamafíunnar. Það er ekki heil brú í þessum pistli. Og að kenna svokölluðum "aukaefnum" um offituvanda heimsins lýsir ekki bara vanþekkingu heldur menningarhroka.

Mikið rétt hjá þér Ísa, þó þú gangir kannski full langt í fullyrðingum þínum um gerilsneydda mjólk. Það er engu lagi líkt hvað unnar matvörur eru í raun mengaðar.

Þvílík vitleysa. Þér væri nær að bæta á listann <b>raunverulega</b> skaðlegu matvælin, m.a. blómkál, appelsínur og kindakjöt. Síðan hef ég líka alltaf passað mig á geitaosti, enda mæli ég ekki með honum.

Ég vil rétt sem snöggvast biðjast afsökunar á fullhranalegum orðum í belg hér að ofan. Skollinn hefur hlaupið í mig, en þó ekki hin töfrandi pakkakartöflumús sem ég kýldi í mig áðan. Mmm, maggí.

Mér er spurn, hvað eigum við þá að borða? Mér skilst á matvælafræðingum að best sé að fara bil beggja. Ekki henda út óæskilegu efnunum heldur minnka þau. Þá verður fíknin ekki eins áberandi og maður getur verið meðvitaðri um það sem maður lætur ofan í sig. Maður sem losar sig við öll þessi efni verður vitstola af hungri og fíkn.

Ég hélt að þú værir loksins orðinn almennilega neikvæður. Síðan dregurðu þetta bara til baka, tuh.

Afar heilnæmur pistill kæra Ísdrottning. Fyrir tveimur árum síðan varð Riddarinn fyrir svona smá sjokki hvað varðar aukaefni í matvælum, í þessu tilviki rotvarnarefni. Riddarinn hafði verslað, með ýmsu öðru, plastinnpakkaðar tebollur frá Millunni.
Fyrir einhverjar orsakir enduðu þær í skápnum, og ólýsanlegur er hryllingur og ógeð Riddarans þegar hann fann þær hálfu ári seinna ómyglaðar og alveg eins og daginn sem hann keypti þær, núna tveimur árum seinna er sömu sögu að segja. Fátt vekur mann eins rækilega til umhugsunar eins þetta. Þó erum við heppinn hér á Íslandi, okkar reglugerðir eru mjög strangar á að aðeins séu notuð bestu og fullkomnustu rotvarnarefni sem völ er á, því er ekki fyrir að fara í mörgum öðrum löndum. Riddaranum er minnisstæð reynsla af neyslu slíkra efna í t.d. Eistlandi, sem enduðu með þvílíku bráðaofnæmi, að kalla þurfti til mannskap í hvítum sloppum, vopnuðum sprautum, pillum og guð má vita hverju. Nokkrum mánuðum síðar gengu þeir í Evrópusamlagið og þetta tiltekna efni var bannað. Aukaefni í matvælum, eru ekki til að grínast með, heldur háalvarlegt mál.
Kæra Ísdrottning hafðu þökk fyrir þennan pistil.

Engu að síður hefði matvælabyltingin ekki orðið nema fyrir sakir "aukaefna" í mat og þá sætum við ekki hér pattaraleg ásamt fimm milljörðum vina okkar. Orðið "aukaefni" er ákaflega viðfemt og hefur því miður fengið á sig afar neikvæðan blæ.

Herra Lómagnúpur þetta eru bæði sannar og réttar staðhæfingar en engu að síður börn síns tíma. Geymslu aðferðir voru af skornum skamti, flutningar tóku langan tíma, þannig að þetta var ódýr og góð leið til bjargræðis.
En nú er bara öldin önnur, hver er skilgreining menningasjúkdóma, jú það eru sjúkdómar sem má rekja til þeirra viðbóta sem framfarir og breyttir lífshættir hafa fært okkur umfram það sem áður var.
Stór hluti af þessum viðbótum eru aukaefni sem sett eru í matvæli: til að auka geymsluþol, til að bæta útlit, til að ná fram bragði o.s.fv.
Það má segja sem svo að nú sé að eiga sér stað önnur matvælabylting, sem gerir kröfu um hreinar afurðir náttúrulega ræktaðar án aukaefna.

Iss, verið ekki að þessu væli, bombið bara í kjamma eins og einum McBigMcMacMc og stútið honum alveg með svalandi McSjeikMcDrulluMc. Þannig haldast línurnar í góðu (hring-)lagi.

Margt af þessu er ágætt, en mér virðist gæta furðulega útbreyddrar hræðslu fólks við kolvetni. Ég hef kynnt mér smávegis um fíkn og veit t.d. að sætindafíkn er oft afleiðing af kolvetnaskorti. Að sjálfsögðu er munur á kolvetnum. Það eru flókin kolvetni sem gera það að verkum að blóðsykurinn helst jafnari og þar með orkan. Kolvetni tel ég að eigi að vera um 50-60 % af fæðunni, prótein 30 % og fita 10-20 % Kolvetni og fita í of stórum skömmtum samanlagt er það versta sem menn stoppa í sig. Svo er bara að taka vel á því og nota kolvetnin sem eldsneyti en próteinið er byggingarefni líkamans. Þetta var alltof erfitt að skrifa þetta svo ég verð að fá mér smá amfetamín og öllara. En í guðanna bænum farið vel með ykkur. Skál!

mmm... aukaefni!

Kannski í framtíðinni verða aukaefni og MSG svo stór hluti af menningu okkar að líkami mannsins fer að nýta þessi efni til góðs. Þá munu aukaefni ekki lengur vera óholl, heldur flokkuð sem vítamín! mmm...