— GESTAPÓ —
Í uppáhaldi:
Félagsrit:
Tina St.Sebastian
Heiðursgestur.
Dagbók - 1/11/07
Raunheimsk útgáfa rafmælis.

Samkvæmt mínum upplýsingum tíðkast einhverskonar rafmæli í sk. raunheimum. Miðast þau við fæðingardag (eins konar skráningardagur raunheimaeinstaklings). Raunheimaleikkona mín hefur haft miklar áhyggjur af aldri sínum undanfarið og eftir skammarlega hegðan hennar á Árshátíðinni hef ég ákveðið refsingu við hæfi.

Ykkur er hér með boðið að senda raunheimaleikara að heimili raunheimaleikkonunnar minnar næstkomandi laugardagskvöld. Í boði verða léttar veitingar (í föstu formi) og tónlist. Aðal skemmtiatriði kvöldsins mun síðan felast í því að benda á hina seku og hlæja.

Áhugasömum er bent á að hafa samband í einkapósti.

P.s. Eggjakast verður ekki leyft, þar sem ég þarf víst að þrífa eftir (gilli)gillið.

   (2 af 43)  
1/11/07 17:02

Herbjörn Hafralóns

Ég þakka gott boð en ég veit ekki hvort ég þori að mæta enda á förum til s.k. útlanda eldsnemma á sunnudag.

1/11/07 17:02

Tina St.Sebastian

Þar sem allir vita að s.k. útlönd eru áróðursbrella óvina ríkisins, ætti þér að vera óhætt.

1/11/07 17:02

hlewagastiR

Ég hef nú alltaf verið svag fyrir léttum veitingum á föstu formi síðan maður stundaði Melkweg hér í denn.

1/11/07 17:02

Hexia de Trix

Verður sleikur?

1/11/07 17:02

Tina St.Sebastian

Það fer eftir því hvort hún hagar sér vel fram að helgi. Ég hleypi henni kannske í einn ef hún er þæg. [Glottir]

1/11/07 17:02

Línbergur Leiðólfsson

Til hamingju með þetta raunheimarafmæli.
Ég þakka gott boð, en leikarinn minn verður í sumar- eða vetrarbústaðarferð á sama tíma.

1/11/07 17:02

Offari

Ég er saklaus.

1/11/07 17:02

Finngálkn

Ég nenni nú ekki að sækja fimmtugar kerlingar heim lengur - peningurinn var ekki orðinn þess virði. Skemmdur skaufi og sært sjálfsálit... Jökk!

1/11/07 17:02

Billi bilaði

<Íhugar að fresta Ástralíuferð...>

1/11/07 18:00

Ívar Sívertsen

Þetta er vel íhugunarvert... OG EF ÉG MÆTI ÞÁ VERÐ ÉG FULLUR OG ENGAR REFJAR NÉ RIFJASTEIKUR MEÐ ÞAÐ!

1/11/07 18:00

Lokka Lokbrá

Stelpupartý!

1/11/07 18:00

Tina St.Sebastian

Allt í lagi - ef Ívari er sama þó hann gerist stelpa í eitt kvöld.

Tina St.Sebastian:
  • Fæðing hér: 12/1/05 17:54
  • Síðast á ferli: 18/12/16 21:15
  • Innlegg: 7042
Eðli:
Slettir ensku miskunnarlaust, sem og dönsku, latínu, hindí og heimatilbúnum tungumálum. Mun aldrei framar setjast á hækjur sér, af siðferðilegum orsökum. Vill láta banna krumpuð leðurstígvél.
Fræðasvið:
Rit Davíðs Þórs Jónssonar. Breskir uppistandarar. Eldamennska. Málvillur í útvarpi. Sósíalkommúnismi í Íslenskum framhaldsskólum, einkum í úthverfum Reykjavíkur.
Æviágrip:
Fæddist í útihúsi í Betlehem í Virginíufylki Bandaríkjanna um miðbik síðari heimsstyrjaldar. Dóttir hjónanna Victoriu Mooseport (húsmóður) og Don Corleone (heiðvirðs kaupsýslumanns). Strauk að heiman um sjö ára aldur til að ganga í herinn, en var hafnað sökum kynferðislegrar brenglunar. Tók þá upp nafnið Tina St.Sebastian, og tókst með klókindum, undirförli og lauslæti að komast í Frímúrararegluna, Lionsklúbbinn Rex og Kvenfélag Strandasýslu. Lítið er vitað um ferðir hennar síðustu áratugi. Síðast var hún með fasta búsetu skráða Í Dallas, Texas, en flutti þaðan snögglega í nóvember 1963. Vitað er að hún heimsótti New York borg árið 1980, að sögn talsmanns til að "heimsækja fyrrverandi Bítil," en engar nánari upplýsingar hafa fengist um þá heimsókn. Vitni þykjast hafa séð hana við opnun Þjóðminjasafnsins, en þær sögur eru -enn sem komið er- óstaðfestar.

--

Vígð prestur frá Universal Life Church í nóvember 2006