Alvarleg misnotkun á félagsriti.
En...næstkomandi laugardag, 19. janúar 2008 hefjast endursýningar á hinum frábæru þáttum Einu sinni var...maðurinn (Il était une fois... l'homme).
Til að félagsritið sé ekki algjör sóun á plássi má geta þess að þættirnir voru framleiddir árið 1978 af franska fyrirtækinu Procidis og eru hugarfóstur Alberts nokkurs Barillés. Hann er einnig maðurinn á bak við hinar Einu sinni var... seríurnar fimm; Lífið, Geimurinn, Ameríkurnar, Uppfinningamenn og Landkönnuðirnir. Eftir því sem ég best man voru þættirnir um Ameríkurnar og Landkönnuðina ekki sýndir hér á landi, en vel er mögulegt að mér skjöplist.
Tónlistin er sér kafi, en hún var samin af Michel Legrand. Hann er afkastamikill lagahöfundur og hefur m.a. hlotið þrenn Óskarsverðlaun, þar af ein fyrir lagið Windmills of your mind úr kvikmyndinni The Thomas Crown Affair árið 1968.
Ég veit að stór hópur Gestapóa man eftir þessum þáttum, svo nú er bara að rífa sig á lappir á skikkanlegum tíma og planta þeim börnum sem eru tiltæk fyrir framan sjónvarpið.
Fyrsti þáttur af 26 verður sýndur laugardaginn 19. janúar klukkan 10:00 í Ríkissjónvarpinu.
Hey ég þarf einmitt að rífa mig upp hvort sem er og sækja systur mína á flugvöllinn! Verð örugglega komin heim aftur fyrir 10!
[Ljómar upp]
Ahh... meir að segja ég man eftir þessu. Mér fannst þetta mjög skemmtilegt þegar ég var pínulítil, en bara þættirnir um lífið, geiminn og risaeðlur heilluðu mig. Mér var alveg sama um nýlegri sögukennslu eins og Ameríku og landkönnuði... það hefur víst alltaf blundað í mér vísindamaður, ekki sagnfræðingur.
Segðu mér að það sé þá með talsetningu Guðna Kolbeinns en ekki hörmungarinnar sem var gerð seinna... djöfull varð ég fúll þegar Guðni hætti að talsetja þessa þætti.
Oh, ég man eftir þessum þáttum! Þeir voru í miklu uppáhaldi. Ég mun pottþétt fara á fætur og horfa á þetta með grislingnum.
Ohh ég man svo eftir þessum þáttum! Gott ef ég notaði ekki vitneskju úr þessu í einhverju söguprófi, eins tengdi ég alltaf líffræði mannslíkamans við Lífið, man sérstaklega eftir þættinum þar sem strákurinn stakk sig á rós og fékk í sig bakteríur sem létu hann fá hita og svo komu hvítu blóðkornin og drápu vondu bakteríurnar!!
Ohh sælla minninga...
Þér gæti skjöplast... allavega með landkönnuðina, því ég man eftir þeim (nema mér skjöplist alvarlega)... en hvað um það, frábært að þeir verði sýndir aftur... fínir í þynnkunni...
Ahhhh!
[Nostalgíukast]
Að því gefnu að þetta sé útgáfan sem Grágrímur talar um.
Þetta eru svo frábærir þættir því öllum þótti þeir skemmtilegir OG börnin lærðu mikið á þessu. Sama hvort það var um sögu, líffræði eða geiminn.
Ég gleymi því ekki þegar eitt taugaboðið datt ofan í holuna þar sem botnlanginn átti að vera.
[Flissar]
Ég horfði aldrei mikið á þessa þætti en ég hafði rosalega gaman af því litla sem ég sá..
Þetta er eitthvað semsæri hjá sjónvrpinu til að koma gömlum aðdáendum þáttana á fætur á ókristilegum tíma.
en þeim skal ekki takast að gabba mig.
Víííííí!
Ég ætla að fara og kaupa upptöku DVD spilara núna strax svo Bebe geti horft á þessa snilldar þætti eftir nokkur ár!
[Kyrjar af öllum lífsogsálarkröftum, klappar
& stappar rétteinsog á handboltalandsleik]
GU-U-UÐNI KOLBEINS !
[Klapp-klapp, klapp-klapp, klapp]
GU-U-UÐNI KOLBEINS !
[Klapp-klapp, klapp-klapp, klapp]
[Endurtekið oftogmörgumsinnum, helst með sneriltrommu]
{Mætir mað sneriltrommu og slær með og syngur}
GU-U-UÐNI KOLBEINS !
GU-U-UÐNI KOLBEINS !
Iss, etta var ekki Guðni. Samt skemmtilegt...fyrir utan myndtruflanirnar.
Já sást þú líka myndtruflanirnar? Ég hélt þetta væri bara hesturinn minn að narta í loftnetið. Kannski komst hann í fleiri loftnet...