— GESTAPÓ —
Í uppáhaldi:
Félagsrit:
Tina St.Sebastian
Heiðursgestur.
Sálmur - 2/11/06
Handahófslist

Mynd af vegg, tekin í vinnunni. Leirhnoðið bara gerðist.

Sérð'ekki konu með hlæjandi ljónsung'í hárinu?
Hornauga gýtur'ún, furðar sig mikið á glottinu.
Veit ekki hvar eða hvenær má von eig'á skottinu.
Hversvegna birtist hér ljón svona í morgunsárinu?

Hún pælir sjálfsagt í því alla restin'af árinu.

   (6 af 43)  
2/11/06 00:01

krossgata

Skemmtilegt hnoð.

Ég sé samt hvorki konu né ljónsunga á veggnum. Ég sé persónu úr einhverri sögu, sem ég kem ómögulega fyrir mig hver er. Finnst endilega að það sé úr einni bókinni í sömu ritröð og Græni hatturinn. Já gott ef það er ekki úr Stúf.

Nú verð ég að hugsa um þetta í allan dag.
[Dæsir mæðulega]

2/11/06 00:01

Tina St.Sebastian

Ljónið minnir kannske á Tralla...

2/11/06 00:01

Grágrímur

Sé konu og ljónsunga reyndar óljóst... enda alveg ósofinn...

2/11/06 00:01

Álfelgur

Ég sé konuna en mér finnst þetta frekar vera dádýsunginn Bambi í hárinu á henni.

2/11/06 00:01

hvurslags

Ég sé óljósan dreka með hala hægra megin efst á myndinni. Skemmtileg vísa.

2/11/06 00:01

Wonko the Sane

Ef ég tek af mér gleraugun sé ég, tígrisdýr með snöru á lofti. En það gæti stafað af því að ég sé helmingi fleiri punkta gleraugnalaus

2/11/06 00:01

Andþór

Mér sýnist ég sjá þarna Dulu vera slefa uppí Grágrím... já, ég sé ekki betur!

2/11/06 00:01

Tigra

Jú ég sé konu og svo liggur ljónsungi yfir höfuðið á henni.

2/11/06 00:02

Huxi

Nú þykir mér Andþór lifa hættulega...[Glottir eins og fífl]

2/11/06 00:02

Jarmi

Ég sé einn af þessum andlitsóheppnari rómversku keisurum. Snýr næstum hnakkanum í okkur en samt sjáum við munninn.

2/11/06 01:00

Jóakim Aðalönd

Ég sé pípuna mína gömlu sem ég lánaði Gunna Þórðar og hann lagaði með benzli.

2/11/06 01:01

Hjálmlaug Fífilsdóttir

Ég sé bara einhverja punkta og næ ekki að gera þá myndræna. Þarf maður kannski að hafa kysst upphafsmann innleggsins til að finna það út...[Glottir eins og fífl]

2/11/06 01:02

Skabbi skrumari

Ég sé bara Bangsímon...

2/11/06 02:00

Regína

Ég sé konu, eða eitthvað svoleiðis, en ekkert ljón.
Svo finnst mér að þú megir yrkja oftar Tina, þú ert góður hagyrðingur.

2/11/06 02:01

krumpa

Þetta er drulluflott - ég sé konuna - en mér finnst frekar langsótt að sjá ljónsunga út úr hinu...

Tina St.Sebastian:
  • Fæðing hér: 12/1/05 17:54
  • Síðast á ferli: 18/12/16 21:15
  • Innlegg: 7042
Eðli:
Slettir ensku miskunnarlaust, sem og dönsku, latínu, hindí og heimatilbúnum tungumálum. Mun aldrei framar setjast á hækjur sér, af siðferðilegum orsökum. Vill láta banna krumpuð leðurstígvél.
Fræðasvið:
Rit Davíðs Þórs Jónssonar. Breskir uppistandarar. Eldamennska. Málvillur í útvarpi. Sósíalkommúnismi í Íslenskum framhaldsskólum, einkum í úthverfum Reykjavíkur.
Æviágrip:
Fæddist í útihúsi í Betlehem í Virginíufylki Bandaríkjanna um miðbik síðari heimsstyrjaldar. Dóttir hjónanna Victoriu Mooseport (húsmóður) og Don Corleone (heiðvirðs kaupsýslumanns). Strauk að heiman um sjö ára aldur til að ganga í herinn, en var hafnað sökum kynferðislegrar brenglunar. Tók þá upp nafnið Tina St.Sebastian, og tókst með klókindum, undirförli og lauslæti að komast í Frímúrararegluna, Lionsklúbbinn Rex og Kvenfélag Strandasýslu. Lítið er vitað um ferðir hennar síðustu áratugi. Síðast var hún með fasta búsetu skráða Í Dallas, Texas, en flutti þaðan snögglega í nóvember 1963. Vitað er að hún heimsótti New York borg árið 1980, að sögn talsmanns til að "heimsækja fyrrverandi Bítil," en engar nánari upplýsingar hafa fengist um þá heimsókn. Vitni þykjast hafa séð hana við opnun Þjóðminjasafnsins, en þær sögur eru -enn sem komið er- óstaðfestar.

--

Vígð prestur frá Universal Life Church í nóvember 2006