— GESTAPÓ —
Í uppáhaldi:
Félagsrit:
Tina St.Sebastian
Heiðursgestur.
Dagbók - 31/10/06
Gámaköfun II

Ég skrapp í göngutúr í gærkvöldi.

10 kg kartöflur
23 bananar
1/2 kg græn vínber
1 stór krukka ammrískt mæjónes
2 (óútrunnar) möndlukökur
6 pokar Ömmu kleinur
2 appelsínur
1 agúrka
ca. 2 kg mandarínur
1 stór hvítkálshaus

Þess má svo geta að hefði ég viljað (og haft einhverja þörf fyrir) hefði ég getað tekið tvo fulla kassa af mandarínum til viðbótar, einn kassa af banönum, fimm eða sex kleinupoka - og 11 mæjóneskrukkur.
---
Hvað á ég svo að hafa í kvöldmatinn?

   (7 af 43)  
31/10/06 08:01

Regína

Þú getur allavega haft grænmetis - og ávaxtasalat með kartöflunum.

31/10/06 08:01

Skabbi skrumari

[slefar]... maukaðu vínberin og mandarínuna og smurðu á bananananana...

sjóddu nokkrar kartöflurnar og hvítkálshausinn í mauk og berðu fram með möndlukökunni...

rífðu niður appelsínurnar og stráðu yfir ömmukleinurnar... tættu niður agúrkuna og blandaðu við ammeríska mæjónesið.. svo úr verður ídýfa og dýfðu síðan kartöflurnar í...

Bjóddu mér síðan í mat...

31/10/06 08:01

Anna Panna

Hvað sem þú gerir, ekki dýfa kleinunum í mæjónesið...

Verði þér annars bara að góðu!

31/10/06 08:01

Offari

Ég mæli með ávaxtarétti því kartöflurnar er hægta að geyma og bakkelsið má frysta.

31/10/06 08:01

krossgata

Ein spurning fyrst. Fyrst eini hluturinn sem tekið er fram að hafi ekki verið útrunnin er möndlukökur, var allt hitt þá útrunnið?

31/10/06 08:01

Vímus

Hvernig væri að bjóða manni í mat?
Hefur þú nokkuð tékkað á gámum Lyfju eða Lyfja og heilsu?

31/10/06 08:02

Tina St.Sebastian

Kleinurnar voru á síðasta söludegi, sem og mæjónesið, en grænmetið og ávextirnir voru -eins og gefur að skilja- ódagsett.

31/10/06 08:02

krossgata

Þá: Saxa hvítkálið fínt og hræra majói saman við.

Gera kartöflu ofnrétt úr öllu hinu, nema mandarínunum og möndlukökunum.

Möndlukökur í eftirrétt og mandarínur í snakk meðan þær endast.

31/10/06 08:02

Tina St.Sebastian

Kartöfluofnréttur úr kleinum, kartöflum, banönum,vínberjum, appelsínum og gúrkum? [Klórar sér í hausnum]

31/10/06 08:02

Gísli Eiríkur og Helgi

Ég skil að Tina kanski á erfitt með að fá hnútana að ná saman og notfærir sér gnægtarhorn gámsins enn finst þó til háborinnar skammar að góðum mat sé hent . meðan stór hluti heimsins drepst úr húngri

31/10/06 08:02

Hakuchi

Það má nú líka veiða sér ferskan marhnút við höfnina með litlum tilkostnaði.

31/10/06 08:02

Tina St.Sebastian

Ég á engan marhnútakvóta.

31/10/06 08:02

krossgata

Æ, já það voru kleinur þarna. Þetta er ekki alveg nógu góð samsetning. Settu kleinurnar á snakklistann. Hitt gæti alveg virkað. (En ég myndi ekki nota alla þessa banana í einn rétt eða allar þessar kartöflur). En ef þú átt hveiti, sykur, matarsóda og egg má baka þetta fína bananabrauð.

Tina St.Sebastian:
  • Fæðing hér: 12/1/05 17:54
  • Síðast á ferli: 18/12/16 21:15
  • Innlegg: 7042
Eðli:
Slettir ensku miskunnarlaust, sem og dönsku, latínu, hindí og heimatilbúnum tungumálum. Mun aldrei framar setjast á hækjur sér, af siðferðilegum orsökum. Vill láta banna krumpuð leðurstígvél.
Fræðasvið:
Rit Davíðs Þórs Jónssonar. Breskir uppistandarar. Eldamennska. Málvillur í útvarpi. Sósíalkommúnismi í Íslenskum framhaldsskólum, einkum í úthverfum Reykjavíkur.
Æviágrip:
Fæddist í útihúsi í Betlehem í Virginíufylki Bandaríkjanna um miðbik síðari heimsstyrjaldar. Dóttir hjónanna Victoriu Mooseport (húsmóður) og Don Corleone (heiðvirðs kaupsýslumanns). Strauk að heiman um sjö ára aldur til að ganga í herinn, en var hafnað sökum kynferðislegrar brenglunar. Tók þá upp nafnið Tina St.Sebastian, og tókst með klókindum, undirförli og lauslæti að komast í Frímúrararegluna, Lionsklúbbinn Rex og Kvenfélag Strandasýslu. Lítið er vitað um ferðir hennar síðustu áratugi. Síðast var hún með fasta búsetu skráða Í Dallas, Texas, en flutti þaðan snögglega í nóvember 1963. Vitað er að hún heimsótti New York borg árið 1980, að sögn talsmanns til að "heimsækja fyrrverandi Bítil," en engar nánari upplýsingar hafa fengist um þá heimsókn. Vitni þykjast hafa séð hana við opnun Þjóðminjasafnsins, en þær sögur eru -enn sem komið er- óstaðfestar.

--

Vígð prestur frá Universal Life Church í nóvember 2006