— GESTAPÓ —
Í uppáhaldi:
Félagsrit:
Tina St.Sebastian
Heiðursgestur.
Pistlingur - 1/11/05
Fellin hafa hvað?

Jæja. Ég ætlaði að skrifa eitthvað gáfulegt um þessa endalausu kjaftæðisumræðu um innflytjendur, en ákvað að sleppa því og rita frekar um Breiðholtið. <br /> <br /> (Birt á bloggi fyrr í dag)<br />

Ég hef nefnilega búið í þessu viðbjóðshverfi í fjórtán ár, og get frætt þau ykkar sem halda því fram að innflytjendur séu að gera ákveðin hverfi að "gettóum", að Fellahverfið (og að einhverju leyti Bakkarnir) hefur lengi verið gettó Reykjavíkur. Ég ólst upp í blokk þar sem eingöngu voru félagsíbúðir og nokkrir stigagangar höfðu það orð á sér (og ekki að ástæðulausu) að vera einskonar ruslakista fyrir vandræðafólk sem hafði verið rekið úr betri íbúðum í betri hverfum.
Fólk hryllti sig yfir slagsmálunum og ólifnaðinum á unglingunum, lögreglan í Breiðholti var landsfræg fyrir að góma landabruggara í hópum, og leggja þurfti tónlistarhátíðina RykkRokk niður, að mér skilst vegna drykkjuláta og slagsmála.
Hér við Eddufell stendur þyrping húsa, sem eitt sinn hýsti fjölda þjónustufyrirtækja. M.a. var hér útibú banka, sem þó var búið að loka áður en ég flutti í hverfið. Einnig voru hér verzlanirnar Allt, Kron og Embla, auk pizzastaðar, sólbaðsstofu, tveggja hárgreiðslustofa, fataverzlunar og blómabúðar. Í þessum húsum er í dag einn söluturn, tvær matvöruverzlanir, dansstúdíó, hárgreiðslustofa, snyrtistofa, bakarí, fataverzlunin Rita og rakarastofan Klippótek. Þrennt síðasttalda hefur verið þarna svo lengi sem ég man, auk söluturnsins, en hann hefur að minnsta kosti þrisvar orðið eldi að bráð. Stór hluti húsnæðisins stendur auður, en nokkrum fermetrum var þó breytt í ósamþykktar íbúðir.
Önnur matvöruverzlunin er hluti af keðju sem nefnist 11-11, sem er, eins og flestir kannske vita, ein sú dýrasta á landinu, a.m.k. miðað við gæði. Þessvegna var það mikil búbót fyrir íbúa hverfisins þegar hin verzlunin opnaði, því þó úrvalið sé ekki mikið, er verðið þeim mun betra. Þetta fyrirtæki er rekið af Pólverjum, sérhæfir sig í pólzkum vörum, og starfsfólkið talar fæst góða íslenzku. Það undarlega er að ég hafði ekki hugmynd um hversu margir einstaklingar af pólzkum uppruna búa hér í hverfinu fyrr en þessi búð kom til sögunnar. Þarna eru enda seldar pólzkar vörur, matur, tímarit og fleiri nauðsynjar.
Ég veit að margir líta á þessa verzlun sem sönnun þess að "þetta fólk" vilji ekki aðlagast samfélaginu, en mér finnst þetta einmitt gott tækifæri fyrir pólverjana, sem og okkur hin, til að kynnast. Ég hef til dæmis nokkrum sinnum beðið um aðstoð við innkaup, þar sem stór hluti varanna er einungis merktur á pólzku, og hefur það ávallt verið lítið mál.
Auk þess sem ég hugsa að margir brottfluttir frónbúar hugsuðu sér nú gott til glóðarinnar ef opnuð yrði séríslenzk verzlun í þeirra byggð í útlandinu stóra. Enda er það víst svo að þegar brottfluttur íslendingur heimtar sitt lýsi og sinn harðfisk að heiman, les íslenskar bækur og þar fram eftir götunum, þá heitir það þjóðrækni. Heimti pólverjinn aftur kielbasa og ískex í kílókössum, heitir það að "neita að aðlagast".
Amma vinkonu minnar hefur búið lengi í Svíþjóð, og skilst mér að hún neiti enn að tala sænsku, en tali bara íslenzkuna þeim mun hærra og skýrar. Enda vitum við að þessir útlendingar gætu alveg skilið okkur ef þeir bara reyndu.

   (20 af 43)  
1/11/05 10:00

Siggi

Þetta er rétt svona elska ég þegar fólk af erlendum uppruna kemur og vill kynna aðra og gera fyrir sig og sína verslun eða veitingahús með erlendum vörum en ég held hinsvegar að vegna lélegrar tungumálakennslu og minni launa myndist svona ghetto sem að eru auðvitað hræðilegt fyrirbæri enda eiga allir að búa við sömu kjör, Það þarf að fræða þetta fólk um menningu launakjör túngumál og lífsgæði Íslendinga. það kemur í veg fyrir rasisma ekki einhverjar flýtimeðferðir til að fá þúsund útlendinga til landsins sem við erum ekki í stakk búinn að taka við. Vandamál ríkisins eru flokkar sem eru ekki tilbúnir að bíða og undirbúa sig til að koma í veg fyrir Rasisma.

1/11/05 10:00

Tigra

Mér finnst mjög töff hjá þeim að opna verslun.
Go þeir.
Ég er samt á því að við ættum að bjóða upp á ókeypis (eða mjög ódýra) íslenskukennslu.. og helst skylda fólk í hana (sem yrði þó illmögulegt nema hún væri ókeypis)

Mér finnst sjálfsagt að við kynnumst aðeins öðrum menningum, en verst er það auðvitað þegar fólk lokar sig af, t.d. pólverjar sem vinna bara með pólverjum og tala pólsku í vinnunni, fara svo heim og horfa á pólskan gervihnattadisk.
Þá læra þeir auðvitað aldrei íslensku og kynnast engu fólki.

1/11/05 10:01

Jóakim Aðalönd

Ég held að ég sé bara alveg sammála Tigru. Ég reyndar skil ekki að neinn myndi endast við að horfa á pólskan gervihnattadisk. Ekki myndi ég nenna að gína á eitthvað hvítt gímald lengi.

Svo er ekki zeta í ,,pólskur". Það er aðeins zeta í orðum þar sem stofninn endar á frammæltum samhljóða, t.d. Ísland - íslenzkur. Breti - brezkur o.s.fr.

1/11/05 10:01

Tina St.Sebastian

Ég má zkrifa zetu þar zem ég vil!

1/11/05 10:01

Tina St.Sebastian

Auk þess sem zeta er afzkaplega pólzkur stafur.

1/11/05 10:01

Jóakim Aðalönd

[Rassskellir Tinu]

Hana! Farðu nú og leiktu þér.

1/11/05 10:01

Finngálkn

Það á bara að eyða íslendingum og flytja inn endalaust af útlendingum og þá er málið leyst! Helvítis íslendingar!!!

1/11/05 10:01

Siggi

já hata þá

1/11/05 11:00

Kargur

Gott hjá þezzum pólverjum. Eitt zinn rakzt ég af tilviljun á verzlun á hafnarzvæðinu (minnir mig) í Zeattle. Þar voru eingöngu zeldar zkandinavízkar nauðzynjavörur; kavíar í túpu, hrökkbrauð, zíld, alvöru zmjér og fleira góðgæti. Verzlunarmaðurinn talaði litla enzku, zagðist vera norðmaður. Þetta fannzt mér fantagóð verzlun, og ég get ekki lýzt því hvað það var viðkunnalegt að zjá korni-hrökkbrauð og kavlí-kavíar á þezzum annarz ókunnu zlóðum. Því zkil ég vel að pólverjar og aðrir vilji geta keypt það zem þeir hafa zjálfzagt etið hvunndagz frá blautu barnzbeini.

Tina St.Sebastian:
  • Fæðing hér: 12/1/05 17:54
  • Síðast á ferli: 18/12/16 21:15
  • Innlegg: 7042
Eðli:
Slettir ensku miskunnarlaust, sem og dönsku, latínu, hindí og heimatilbúnum tungumálum. Mun aldrei framar setjast á hækjur sér, af siðferðilegum orsökum. Vill láta banna krumpuð leðurstígvél.
Fræðasvið:
Rit Davíðs Þórs Jónssonar. Breskir uppistandarar. Eldamennska. Málvillur í útvarpi. Sósíalkommúnismi í Íslenskum framhaldsskólum, einkum í úthverfum Reykjavíkur.
Æviágrip:
Fæddist í útihúsi í Betlehem í Virginíufylki Bandaríkjanna um miðbik síðari heimsstyrjaldar. Dóttir hjónanna Victoriu Mooseport (húsmóður) og Don Corleone (heiðvirðs kaupsýslumanns). Strauk að heiman um sjö ára aldur til að ganga í herinn, en var hafnað sökum kynferðislegrar brenglunar. Tók þá upp nafnið Tina St.Sebastian, og tókst með klókindum, undirförli og lauslæti að komast í Frímúrararegluna, Lionsklúbbinn Rex og Kvenfélag Strandasýslu. Lítið er vitað um ferðir hennar síðustu áratugi. Síðast var hún með fasta búsetu skráða Í Dallas, Texas, en flutti þaðan snögglega í nóvember 1963. Vitað er að hún heimsótti New York borg árið 1980, að sögn talsmanns til að "heimsækja fyrrverandi Bítil," en engar nánari upplýsingar hafa fengist um þá heimsókn. Vitni þykjast hafa séð hana við opnun Þjóðminjasafnsins, en þær sögur eru -enn sem komið er- óstaðfestar.

--

Vígð prestur frá Universal Life Church í nóvember 2006