— GESTAPÓ —
Í uppáhaldi:
Félagsrit:
Tina St.Sebastian
Heiðursgestur.
Sálmur - 4/12/05
Vorvísur

Þessi líka frumlegi titill...æ.

Kríuungar kátir
komnir fram á trjánum
veturinn í vafa
vaggandi á tánum

Blíður vaggar blærinn
barnahúfur hverfa
villtir vetrarskuggar
vorsins kveðjur erfa

Kveðjur bera krakkar
Komdu út að róla!
Skjótast þau og skoppa
skríða milli hóla

Milli þinna þungu
þrauta, vinur mundu;
víðirinn er vísir,
vor kom fyrir stundu.

Ei lengur kaldur kári
þig kvelur snemma dags
vorið er að vakna
vinur, komdu strax!

   (24 af 43)  
4/12/05 22:01

Z. Natan Ó. Jónatanz

Ljúft & dálaglegt; hafðu þökk fyrir.
Ósköp eru annars sálmaritarar almennt í hugljúfum gír umþessarmundir.
Sumarkveðjur & skál.

4/12/05 22:01

Jarmi

Pósitívt drama.

4/12/05 22:01

Grýta

Flott!
Sérstaklega myndræn stemming.

4/12/05 22:01

Þarfagreinir

Sumarið hefur þessi áhrif á alla. Þetta er held ég langbesti kveðskapur sem ég hef séð hér eftir Tinu.

4/12/05 22:01

Jóakim Aðalönd

Vorið er greinilega komið í kroppinn á þér Tina. Skál og hafðu þakkir fyrir!

4/12/05 23:00

Skabbi skrumari

Glæsó... skál...

4/12/05 23:01

Offari

Glæsilegt Gleðilegt sumar.

5/12/05 00:00

Limbri

Þessar vísur eru vel nýtanlegar í .dk það get ég sagt þér.

-

9/12/06 02:01

Tina St.Sebastian

Ég tók það víst aldrei fram að ég kallaði brumin "kríuunga" þegar ég var krakki.

Tina St.Sebastian:
  • Fæðing hér: 12/1/05 17:54
  • Síðast á ferli: 18/12/16 21:15
  • Innlegg: 7042
Eðli:
Slettir ensku miskunnarlaust, sem og dönsku, latínu, hindí og heimatilbúnum tungumálum. Mun aldrei framar setjast á hækjur sér, af siðferðilegum orsökum. Vill láta banna krumpuð leðurstígvél.
Fræðasvið:
Rit Davíðs Þórs Jónssonar. Breskir uppistandarar. Eldamennska. Málvillur í útvarpi. Sósíalkommúnismi í Íslenskum framhaldsskólum, einkum í úthverfum Reykjavíkur.
Æviágrip:
Fæddist í útihúsi í Betlehem í Virginíufylki Bandaríkjanna um miðbik síðari heimsstyrjaldar. Dóttir hjónanna Victoriu Mooseport (húsmóður) og Don Corleone (heiðvirðs kaupsýslumanns). Strauk að heiman um sjö ára aldur til að ganga í herinn, en var hafnað sökum kynferðislegrar brenglunar. Tók þá upp nafnið Tina St.Sebastian, og tókst með klókindum, undirförli og lauslæti að komast í Frímúrararegluna, Lionsklúbbinn Rex og Kvenfélag Strandasýslu. Lítið er vitað um ferðir hennar síðustu áratugi. Síðast var hún með fasta búsetu skráða Í Dallas, Texas, en flutti þaðan snögglega í nóvember 1963. Vitað er að hún heimsótti New York borg árið 1980, að sögn talsmanns til að "heimsækja fyrrverandi Bítil," en engar nánari upplýsingar hafa fengist um þá heimsókn. Vitni þykjast hafa séð hana við opnun Þjóðminjasafnsins, en þær sögur eru -enn sem komið er- óstaðfestar.

--

Vígð prestur frá Universal Life Church í nóvember 2006