— GESTAPÓ —
Í uppáhaldi:
Félagsrit:
Tina St.Sebastian
Heiðursgestur.
Dagbók - 4/12/05
Kóngsins Kaupinhavn

Þetta valt bara uppúr mér. Ég veit ekki alveg hvers vegna. En fyrsta línan er sönn. Um mig, þ.e.a.s, ekki Klemenz Dalmann, hver sem það á nú að vera.

Af öðrum frjettum ber helzt að nefna þá ákvörðun hins indæla danska húsnæðiskontór að veita mjer inni á þess "studentengörðum", hvar jeg mun dvelja í kompaníi við aðra efnilega únglínga, og stunda skriftir, lestur og ýmsar loftháðar æfingar til betrunar líkama og sálar. Einnig mun jeg beita mínum hugarkröftum til fullkomnunar þeim vísindum er nefnast "sexologia" upp á Latínu, en það eru rannsóknir á mökunarferli mannskepnunnar, með öllum sínum útúrdúrum og vandræðum. Munu rannsóknir mínar verða unnar eftir þeim vísindalegu stöðlum sem hértil hafa reynst vel, en munu þó fylgja að hluta mínum eigin rannsóknaraðferðum, mestmegnis verklegum.
Hefi ég heyrt sögur af sjerstæðum mökunaraðferðum þar úti, og þá sjerlegast í Kaupinhavn, en þar munu ungar stúlkur, og sumir segja ungir piltar einnig, selja blíðu sína í skiptum fyrir fje, sterka drykki, og jafnvel narkótísk efni. Verra er ef satt reynist, að dönzk æska skuli vera svo langt leidd að bjóða misyndismönnum líkama sína til afnota gegn einu mesta böli mannsins, áfenginu! Jeg hugsa með kvíða til þess að jeg lifi það máske að sjá okkar höfuðstað, Reykjavík, verða þessu sama böli að bráð, og íslenzk æska velti sjer í ræsinu, þrælar í greipum þessa eiturs!
Nú hefi jeg rausað nógu lengi, kæri frændi, og jeg er þess viss að þú hafir nóg við að vera. Gangi þjer vel á Landsprófinu, svo þú fáir menntað þig meira, jafnvel í Kaupinhavn hjá mjer.

Þinn elskandi frændi,
Klemenz Dalmann

P.S. Jeg hefi hugsað mjer að breyta nafni mínu svo sem hjer er ofan ritað. Danskurinn þykist ekki kunna að bera fram hin íslenzku föðurnöfn.

K.D.

   (26 af 43)  
4/12/05 03:01

Jarmi

Það er betra að ríða í Köben en til Köben.

4/12/05 03:01

Isak Dinesen

[Ljómar upp]

Alltaf gaman að fá bréf frá fólki við erlend lærianstölt. Sér í lagi úr höfuðstaðnum.

Gott rit.

4/12/05 03:01

Sundlaugur Vatne

Dönzk! Með zetu? [veltist um af hlátri]
Velkomin til Danaveldis, Tina mín, ég bið að heilsa Thorvaldsen.

4/12/05 03:01

Isak Dinesen

Klemenz er bara eilítið smámæltur, held ég. Hann ber það eflaust fram danðskur.

4/12/05 03:01

Tina St.Sebastian

Klemenþ er þkö bæðe þmámæltöl og fláfæmæltöl

4/12/05 03:01

Trölli

Já, það er ömörlegt til þess að huxa að frændur vorir Daner séu svo langt leiddir að selja sig fyrir einhvurn óþverra. Sjálfur sel ég ekki aðgang að tröllvöxnum líkama mínum fyrir minna en 200 álnir vaðmáls, þrjár hundruðir fjár á fæti, súrtunnur tvær og fleira góðgæti.

4/12/05 03:01

Jóakim Aðalönd

Líkami minn vaeri ekki til solu fyrir gull og graena skóga og thá er mikid sagt!

Annars óska ég thér góds gengis í Danaveldi Tina. Thad er ágaett land.

4/12/05 03:02

Nermal

Hingað til hef ég nú ekki selt aðgang að líkama mínum né sál.Hef haft þetta án endurgjalds frammá þennann dag. En danir eru nottlega klikk

4/12/05 05:00

U K Kekkonen

"En Grøn" var nú allt sem maður þurfti að kunna þegar ég eyddi tíma mínum í Árósum, nú nema á tillidögum þá var maður nátturúlrulega eins og daninn og pantaði "en Gull"

Tina St.Sebastian:
  • Fæðing hér: 12/1/05 17:54
  • Síðast á ferli: 18/12/16 21:15
  • Innlegg: 7042
Eðli:
Slettir ensku miskunnarlaust, sem og dönsku, latínu, hindí og heimatilbúnum tungumálum. Mun aldrei framar setjast á hækjur sér, af siðferðilegum orsökum. Vill láta banna krumpuð leðurstígvél.
Fræðasvið:
Rit Davíðs Þórs Jónssonar. Breskir uppistandarar. Eldamennska. Málvillur í útvarpi. Sósíalkommúnismi í Íslenskum framhaldsskólum, einkum í úthverfum Reykjavíkur.
Æviágrip:
Fæddist í útihúsi í Betlehem í Virginíufylki Bandaríkjanna um miðbik síðari heimsstyrjaldar. Dóttir hjónanna Victoriu Mooseport (húsmóður) og Don Corleone (heiðvirðs kaupsýslumanns). Strauk að heiman um sjö ára aldur til að ganga í herinn, en var hafnað sökum kynferðislegrar brenglunar. Tók þá upp nafnið Tina St.Sebastian, og tókst með klókindum, undirförli og lauslæti að komast í Frímúrararegluna, Lionsklúbbinn Rex og Kvenfélag Strandasýslu. Lítið er vitað um ferðir hennar síðustu áratugi. Síðast var hún með fasta búsetu skráða Í Dallas, Texas, en flutti þaðan snögglega í nóvember 1963. Vitað er að hún heimsótti New York borg árið 1980, að sögn talsmanns til að "heimsækja fyrrverandi Bítil," en engar nánari upplýsingar hafa fengist um þá heimsókn. Vitni þykjast hafa séð hana við opnun Þjóðminjasafnsins, en þær sögur eru -enn sem komið er- óstaðfestar.

--

Vígð prestur frá Universal Life Church í nóvember 2006