— GESTAPÓ —
Í uppáhaldi:
Félagsrit:
Tina St.Sebastian
Heiðursgestur.
Pistlingur - 3/12/05
Lagabætur #1

Þetta er líklega einum of stutt, en þess vegna kallast þetta pistlingur en ekki pistill.

Ef einstaklingur leigir íbúðarhúsnæði sem er síðan sett í "sölumeðferð" af eigendum, skal leigjandi hafa forkaupsrétt.

Auk þess skal sú upphæð er leigjandi hefir greitt eiganda, reiknast upp í söluverð, með teknu tilliti til skatta og verðbólgu.

Hafi leigjandi ekki staðið í skilum með leigugreiðslur síðustu sex mánuði, falla þessi réttindi niður, enda sé það staðfest af viðskiptabanka leigjanda, skattstjóra, sem og lögfræðingum beggja aðila.

   (27 af 43)  
3/12/05 07:00

blóðugt

Merkilegt.

3/12/05 07:00

sphinxx

Ertu í kauphugleiðingum?

3/12/05 07:00

Heiðglyrnir

Hmmm..10 ár 100 þús í leigu á mán. jaft og 12 mill..Eignin kostar 11 mill.. Eigandi endurgreiðir 1 mill og skrifar undir afsal..hmmmm..ja..nei,,sko ekki alveg..!..

3/12/05 07:00

Tina St.Sebastian

"Með teknu tilliti til skatta og verðbólgu, sem og þess kostnaðar sem eigandi hefur borið, svo sem fasteignagjalda og viðhalds" Betra?

3/12/05 07:01

Dr Zoidberg

Íþingjandi reglur sem gera íslenskan leigumarkað enn óskilvirkari en hann er í dag. Frábært!

3/12/05 07:01

feministi

Nei fjandakornið, þetta væru ólög. Að leigja út húsnæði væri þá það sama og selja á afborgunum.

3/12/05 07:01

Von Strandir

Bara rugl. Það myndi enginn leigja nema á svörtu með þessum skilmálum og hvar væru réttindi leigjenda þá.

3/12/05 07:02

Jóakim Aðalönd

Þetta gengur einfaldlega ekki upp. Þá er rétt að kaupa bara, en leigja ekki.

3/12/05 07:02

Hakuchi

Jebb. Með þessari lagasetningu myndi leigumarkaðurinn þurrkast út samstundis.

3/12/05 08:01

Tina St.Sebastian

En ef þetta ætti nú bara við um félagslegt leiguhúsnæði? Nú eru Félagsbústaðir að selja leiguíbúðir á ákveðnum stöðum til að koma í veg fyrir "gettó-myndun". Hvað ef fólk vill ekki flytja? "Úps, þú hefur búið hérna í tíu ár, en núna ferðu upp í Grafarholt, sjáumst!"

3/12/05 08:02

Hakuchi

Þá myndi ástandið skána. Þá er hins vegar orðin spurning hvort þörf sé á félagsíbúðakerfi yfir höfuð ef leiga virkar bara eins og afborgun af mögulegri eign, þá gæti allt eins verið hægt að höggva á það og auka vaxtabætur fyrir þá sem ella eru í féló ellegar að hið opinbera gangi í e-k tímabundnar ábyrgð fyrir viðkomandi gagnvart Íbúðalánasjóði (muni hann yfir höfuð lifa út árið, sem hann gerir líklega ekki).

Forkaupsréttur ætti ekki að vera vandamál, ef það afmarkast við féló. Ef ég man rétt eru fordæmi fyrir slíku hvað varðar jarðeigendur. Þ.e. ef bóndi hefur leigt jörð og nýtt í áraraðir, þá er ekki sjálfsagt fyrir eiganda að selja fyrirvaralaust til einhvers annars og sparka bónda burt, þá hefur bóndi e-k forkaupsrétt, sem er þó á markaðsvirði, ef ég man rétt.

Tina St.Sebastian:
  • Fæðing hér: 12/1/05 17:54
  • Síðast á ferli: 18/12/16 21:15
  • Innlegg: 7042
Eðli:
Slettir ensku miskunnarlaust, sem og dönsku, latínu, hindí og heimatilbúnum tungumálum. Mun aldrei framar setjast á hækjur sér, af siðferðilegum orsökum. Vill láta banna krumpuð leðurstígvél.
Fræðasvið:
Rit Davíðs Þórs Jónssonar. Breskir uppistandarar. Eldamennska. Málvillur í útvarpi. Sósíalkommúnismi í Íslenskum framhaldsskólum, einkum í úthverfum Reykjavíkur.
Æviágrip:
Fæddist í útihúsi í Betlehem í Virginíufylki Bandaríkjanna um miðbik síðari heimsstyrjaldar. Dóttir hjónanna Victoriu Mooseport (húsmóður) og Don Corleone (heiðvirðs kaupsýslumanns). Strauk að heiman um sjö ára aldur til að ganga í herinn, en var hafnað sökum kynferðislegrar brenglunar. Tók þá upp nafnið Tina St.Sebastian, og tókst með klókindum, undirförli og lauslæti að komast í Frímúrararegluna, Lionsklúbbinn Rex og Kvenfélag Strandasýslu. Lítið er vitað um ferðir hennar síðustu áratugi. Síðast var hún með fasta búsetu skráða Í Dallas, Texas, en flutti þaðan snögglega í nóvember 1963. Vitað er að hún heimsótti New York borg árið 1980, að sögn talsmanns til að "heimsækja fyrrverandi Bítil," en engar nánari upplýsingar hafa fengist um þá heimsókn. Vitni þykjast hafa séð hana við opnun Þjóðminjasafnsins, en þær sögur eru -enn sem komið er- óstaðfestar.

--

Vígð prestur frá Universal Life Church í nóvember 2006