— GESTAPÓ —
Í uppáhaldi:
Félagsrit:
Tina St.Sebastian
Heiðursgestur.
Pistlingur - 3/12/04
Trúfrelsi?

Já, þetta er stutt.

Nokkrir punktuar

a) Segjum að einkarekið fyrirtæki vogi sér að hafa opið á föstudaginn langa, án leyfis, er lögreglan send á svæðið til að loka því.

b) Þjóðkirkjuprestlingar hafa nánast ótakmarkaðan aðgang að grunnskólum, undir því yfirskini að þeir séu að "fræða börnin". Ef svo ólíklega vildi til að múslimaklerkur bæði um áheyrn annars bekkjar -segjum fjórum dögum fyrir Ramadan- yrði honum vísast neitað.

c) Flest börn á grunnskólaaldri (ég geri hér greinarmun á grunn- og gagnfræðaskólum) hafa ekki hugmynd um hver Múhameð var, hvað þá heldur Siddhartha Gautama, Konfúsíus, Bahá'u'lláh eða Anton Szandor LaVey. Langflest þeirra vita ekki einu sinni hver Marteinn Lúther var.

d) "Kristin fræði" snúast aðallega um sögur af honum Ésú litla, sem var voða góður, en ekkert er fjallað um sögu kristinnar kirkju, utan máske siðaskiptin hér á skerinu.

e) Vesalings börnin eru skikkuð í kirkju nokkrum sinnum á ári, jafnvel þó þau hafi gert upp hug sinn varðandi kristna trú, eða trúarbrögð almennt.

f) Nú fyrir páska kom frænka mín litla(átta ára) heim með "páskabókina" úr skólanum. Hún spurði mig hvers vegna væri kanína framan á bókinni. Greinilega er ekkert farið í tengsl páskanna við heiðnar frjósemishátíðir, hvað þá heldur að börnunum sé bent á tengingu sjálfra jólanna við vetrarsólstöður.

   (31 af 43)  
3/12/04 23:00

Melkorkur

Hvernig veistu að Múslimanum yrði neitað aðgöngu að frítíma krakkana?

Ég hugsa að það íslenska skóalkerfiðsé aðeins víðsýnna heldur en svo að skólarnir myndu ekki sýna öðrum trúabrögðum þá virðingu að leyfa þeim að boða krökkunum sína trú einnig.

En þó finnst mér mikið vit í þessu hjá þér að benda á að littlu krílin viti ekki hver múhammeð og, ja, allir aðrir en Jesú voru. Það þarf að sparka hressilea í rassketin á þessum sem stjórna, sem og íslensku þjóðkirkjunni.

Gott félagsrit.

3/12/04 23:00

B. Ewing

jólin eru jólasveinahátíð og páskar eru fullir af kjúklingum og kanínum. Hitt er síðan "aukaatriði" sem laumað er inn í börn með vondum teiknimyndaþáttum.

Ég sé lögregluna fyrir mér í anda að loka bensínstöðvunum hægri vinstri um landið. Þá yrði allt brjálað, hvergi hægt að pissa nema upp í vindinn.

3/12/04 23:00

Gvendur Skrítni

Ísland er kristið ríki, ef fólki líkar ekki kristni þá er því frjálst að taka upp aðra trú, slíkt er trúfrelsi.
Hér er hinsvegar ekki trú-jafnrétti eins og margir myndu kjósa.

3/12/04 23:00

Heiðglyrnir

a) Segjum að einkarekið fyrirtæki vogi sér að hafa opið á föstudaginn langa, án leyfis, er lögreglan send á svæðið til að loka því.

Reglan var þannig að allt átti að vera lokað. Síðan var henni breytt í að eigendur máttu vinna sjálfir eða sækja um undanþágu til lögreglu/yfirvalda. Núna síðustu ár hefur þetta verið látið afskiptalaust.
.
Allt annað, sem að þú nefnir Tina mín, er rétt. Skólakerfi okkar og stjórnarskrá til háborinar skammar.

3/12/04 23:00

Tina St.Sebastian

Jahá. Þessi gamla "Vatnið er frítt, en þú þarft ekki að drakka það" pæling.

3/12/04 23:00

Tina St.Sebastian

Ofanverðu var beint til Gvends.
Heiglyrnir: Hvenær var það sem 10-11 í Lágmúla ætlaði að hafa opið, en lögreglan var send til, og búllunni lokað?

3/12/04 23:00

Heiðglyrnir

Man ekki eftir því. Reglugerðin er örugglega þannig, að eigendur mega bara vinna sjálfir, eða sækja um undanþágu til lögreglu/yfirvalda. Þannig að hvort horft er í hina áttina af löggæslunni, getur hugsanlega verið happadrætti.

3/12/04 23:00

Gvendur Skrítni

Hmm, ég er hræddur um að ég kannist ekki við "þessa gömlu" sem þú vitnar í Tina - hefurðu eitthvað á móti fríu vatni?

3/12/04 23:00

Hildisþorsti

Blessuð kanínan. ...

3/12/04 23:00

Helena

Ég skil hvað þú ert að fara Tina mín, þetta er náttúrlega ógurlegt ójafnrétti.
Ég held hins vegar að Gvendur hafi hitt naglann á höfuðið þegar hann talaði um trúfrelsi vs. trúarjafnrétti. Öll þjóðarsagan byggist á því að Ísland hefur verið að mestu eða öllu leyti kristið í rúmlega 1000 ár. Lagabálkar og siðferði er byggt á kristinni trú, og þess vegna er ríkið kristið. Það að fetta ekki fingur út í að sumir vilji önnur trúarbrögð (eða alls engin) jafngildir ekki að segja að um trúarjafnrétti sé að ræða. Í stjórnarskránni stendur aðeins að ekki megi mismuna mönnum á grundvelli trúarinnar, en ekkert um að ekki megi mismuna trúarbrögðunum sjálfum. Skítt, en svoleiðis er það.

3/12/04 23:01

voff

Trúfrelsi er ekki í reynd nema réttur þeirra sem ekki trúa sé virtur. Almenn lokun í verslunum er ein tegund af yfirgangi sem þeir sem trúa á himnafeðgana sýna öðrum þjóðfélagsþegnum. Ef menn vilja fá frí um páska af trúarlegum ástæðum þá geta þeir alveg fengið frí. En að neyða alla til að vera í fríi og banna að sjoppur séu opnar er bara rugl. Meira að segja á 17. júní eru sjoppur opnar. Og það segir ekkert í Biblíunni um að það eigi að stöðva vinnu á þessum degi, föstudeginum langa. Hreint ekki neitt. Og menn fara ekki eftir Biblínni dags daglega þótt þeir berji sér á brjóst og segist vera trúaðir. Hvernig á maður að taka alvarlega mann sem segist óttast Guð en situr svo fyrir framan myndavélina í klæðum gerðum úr meira en tveimur efnum? Veit hann ekki um bann Guðs við því? Eða veit hann sem er að Guð mun ekki refsa honum af þeirri einföldu ástæðu að Guð er ekki til!?

Annað atriði er það að skattar skuli notaðir til að borga prestum laun. Það ætti auðvitað að vera kirkjan sjálf sem innheimti þetta. Ef menn vilja standa utan trúfélaga þá eiga menn að mega það og þá ættu menn jafnframt að njóta þess fjárhagslega. Af hverju á ég að borga fyrir trúariðkun annars fólks, trú á einhvera veru sem ég tel að sé ekki til?

3/12/04 23:01

Lómagnúpur

Voðaleg leiðindi eru þetta stanslaust í fólki. Svona nú, krítíserum nú eitthvað sem á það skilið, eins og athyglissjúklingana sem leiddu Íslendinga inn í Grand Prix de Chansons de Eurovision.

3/12/04 23:01

hundinginn

Lómi klikkar ekki. Hvort tveggja SÖKKAR FEITT!
AMEN!!!

3/12/04 23:01

voff

Áttu ekki við Grand Prix de Chansons triste de Eurovision?

3/12/04 23:01

Fíflagangur

Það heitir júróvisjón. Fábjáni!

3/12/04 23:02

Jóakim Aðalönd

Viltu gjöra svo vel að gæta orða þinna Fíflagangur. Þetta eru skrif sem eiga heima annars staðar.

Annars er þetta þörf umræða og ekki seinna vænna en að reka kirkjuna úr ríkishjónabandinu. Orð Helenu um að lagabálkar og siðferði hér á landi sé byggt á kristinni trú á ekki við rök að styðjast.

4/12/04 00:00

Lómagnúpur

Víst Jóakim, víst. Þessi umræða hefur komið upp áður og ég er hjartanlega sammála sjálfum mér í því að okkar er hin kristna siðfræði. Hana nú!

4/12/04 01:00

kolfinnur Kvaran

Er eitthvað verra að kenna kristinfræði í grunnskólum heldur en önnur fög. Afhverju þarf að kenna sögu um kristina kirkju? Snýst kristin trú ekki um Guð og Jesú? Það ætti þá frekar að kenna í sögu. Öll fög eru pínd ofan í krakka í skólum. Helvítis danskan, ekki biður maður um hana, en kennd er hún samt. Ekki er víst að ég noti hana nokkurn tíma, eða trúi á það sem hún hefur fram að færa. Eitthvað verður að kenna börnum. Menntamálaráðherra ákvað það að kenna ætti kristinfræði en ekki eitthvað annað. Er ekki löngu búið að skeggræða þessi déskotans trúmál ofan í kjölin. Ég gæti eins farið að grenja um það afhverju austfirsk bændaglíma sé ekki á námsskrá.

4/12/04 02:00

Jóakim Aðalönd

Málið er það Lómagnúpur að... Jæja, bezt að stofna þráð.

4/12/04 03:00

Melkorkur

Mælt þú heilastur, Kolfinnur minn.

Tina St.Sebastian:
  • Fæðing hér: 12/1/05 17:54
  • Síðast á ferli: 18/12/16 21:15
  • Innlegg: 7042
Eðli:
Slettir ensku miskunnarlaust, sem og dönsku, latínu, hindí og heimatilbúnum tungumálum. Mun aldrei framar setjast á hækjur sér, af siðferðilegum orsökum. Vill láta banna krumpuð leðurstígvél.
Fræðasvið:
Rit Davíðs Þórs Jónssonar. Breskir uppistandarar. Eldamennska. Málvillur í útvarpi. Sósíalkommúnismi í Íslenskum framhaldsskólum, einkum í úthverfum Reykjavíkur.
Æviágrip:
Fæddist í útihúsi í Betlehem í Virginíufylki Bandaríkjanna um miðbik síðari heimsstyrjaldar. Dóttir hjónanna Victoriu Mooseport (húsmóður) og Don Corleone (heiðvirðs kaupsýslumanns). Strauk að heiman um sjö ára aldur til að ganga í herinn, en var hafnað sökum kynferðislegrar brenglunar. Tók þá upp nafnið Tina St.Sebastian, og tókst með klókindum, undirförli og lauslæti að komast í Frímúrararegluna, Lionsklúbbinn Rex og Kvenfélag Strandasýslu. Lítið er vitað um ferðir hennar síðustu áratugi. Síðast var hún með fasta búsetu skráða Í Dallas, Texas, en flutti þaðan snögglega í nóvember 1963. Vitað er að hún heimsótti New York borg árið 1980, að sögn talsmanns til að "heimsækja fyrrverandi Bítil," en engar nánari upplýsingar hafa fengist um þá heimsókn. Vitni þykjast hafa séð hana við opnun Þjóðminjasafnsins, en þær sögur eru -enn sem komið er- óstaðfestar.

--

Vígð prestur frá Universal Life Church í nóvember 2006