— GESTAPÓ —
Í uppáhaldi:
Félagsrit:
Tina St.Sebastian
Heiðursgestur.
Dagbók - 2/12/04
Nektarfasistar

Við verðum að banna konum að fara úr fötunum. Ef börn sjá naktar konur, jafnvel bara HÁLFnaktar, skemmir það í þeim heilann. Ef lítil stelpa sér nakta konu, fær hún lágt sjálfsálit, verður hóra, sprautufíkill og fær lystarstol að auki. Ef lítill strákur sér nakta konu verður hann nauðgari og barnaníðingur, vegna þess að hann ber enga virðingu fyrir konum.

Hversvegna er nekt svona viðkvæmt fyrirbæri? Hversvegna er kynlíf tabú? Auðvitað er það góðra gjalda vert að reyna að fækka nauðgunum og koma í veg fyrir misnotkun á börnum, en erum við að ganga of langt?
Þegar feður þora ekki í bað með börnunum sínum, af ótta við að vera vændir um misnotkun, og eitt árangursríkasta vopn forræðislausra mæðra er ásökun um slíkt, er baráttan ekki komin á villigötur?
Sumir vilja jafnvel halda því fram að sjái barn brjóst í sjónvarpinu, beri þau varanlegan skaða af. Ég minni á að langflest börn hafa séð brjóst, snert þau og nærst af þeim, án þess að skaðast alvarlega á sál eða líkama.
Ef allir sem skoðað hafa svokallað klám yrðu sjálfkrafa nauðgarar, er ég hrædd um að vandamálið væri mun stærra en það er í raun og veru. Líklega væri þjóðfélagiðrústir einar, þar sem enginn kæmi neinu í verk utan nauðgunum og stöku morði. Flestir sem skoða klám gera sér grein fyrir því að það er ekki raunverulegt. Það er einmitt það sem gerir klám svo heillandi - í gegnum það fáum við útrás fyrir allskyns fantasíur sem ekki geta ræst í raunveruleikanum; að sjá Carmen Electra nakta, að fá sjóðheitan pizzasendil með kaldri pizzu, en ekki öfugt, að fylgjast með tveimur gullfallegum einstaklingum stunda kynlíf þar sem aldrei heyrast píkuprump, öllum er fullnægt og enginn fer að hlæja í miðjum klíðum. Allir sem á annað borð hafa stundað kynlíf vita að þessi útgáfa af því er algjörlega veruleikafirrt.

Að halda því fram að allir nauðgarar hafi skoðað klá hefur álíka mikið vægi í baráttunni gegn nauðgunum og að segja að allir morðingjar hafi drukkið vatn. Margir bankastjórar, lögreglumenn, prestar, ljóðskáld, smiðir, læknar og -síðast en ekki síst- fórnarlömb nauðgana, hafa líka skoðað klám.
Engum dettur í hug að segja að bankastjórinn hafi bara orðið bankastjóri "vegna þess að hann sá einu sinni peninga."

Hér að lokum eru sjónarmið nektarfasistanna dregin saman;

Kona sem strippar eða situr nakin fyrir var misnotuð sem barn, hefur verið nauðgað, eða er sprautufíkill. Kona sem sýnir karlmönnum nakinn líkama sinn er hóra, en það er samt ekki henni að kenna, heldur karlmönnunum sem sjá hana nakta. Ef þú tekur ljósmynd af nakinni konu og birtir hana í blaði, þá ertu viðbjóðslegur glæpamaður og ert að nýta þér neyð aumingja konunnar sem getur ekki að þessu gert af því að hún sá nakta konu þegar hún var fimm ára , er forfallinn dópisti, og var þar að auki misnotuð sem barn.

(Ég veit að þetta er sundurlast, en ég skrifa þannig þegarég er pirruð)

   (37 af 43)  
2/12/04 03:01

Sundlaugur Vatne

Nokkuð meitluð, beitt og raunsönn samantekt hjá þér í lokin, frk. St. Sebastian. Orð í tíma töluð

2/12/04 03:01

Fíflagangur

Heyr heyr Tina.

2/12/04 03:01

Jóakim Aðalönd

Fussumsvei!

2/12/04 03:01

hundinginn

Það hafa allir litlir strákar gott af því að sjá nakta konu. Pabbarnir ættu að sjá til þess að strákarnir kynnist þessu sem allra fyrst!

2/12/04 03:01

Órækja

Það mætti halda þér hafi verið nauðgað af nakinni konu ungfrú Bastían.

2/12/04 03:01

Þarfagreinir

Það er ekkert að nöktum konum í fjölmiðlum eða annars staðar á almannafæri.

Það eru hins vegar naktir karlar sem brjóta gegn öllu velsæmi og þarf að sporna gegn.

2/12/04 03:01

Nornin

Siðsöm nekt er bara af hinu góða. Ég væri nú sjálf í vandræðum ef nekt væri svona hræðileg, þar sem ég fer helst ekki í föt nema ég neyðist út úr húsi eða einhver ætli að koma í heimsókn... og stundum ekki einu sinni þá!
Nekt er góð.

2/12/04 03:01

Lómagnúpur

Já, nektin er eyland.

2/12/04 03:02

hundinginn

Sjálfur er jeg ávalt nakinn heima við.

2/12/04 03:02

Z. Natan Ó. Jónatanz

NektarSkál!

2/12/04 04:00

litlanorn

þessu er ég innilega sammála. reglurnar í laugardalslauginni segja að 6+ ára gömul börn skuli í bað með eigin kyni svo ekki fari siðvitundin og frómheitin forgörðum.

ég legg til að allir haldi nektardaginn heilagan í hverri viku.

2/12/04 04:00

Nornin

Já og hvernig væri að hafa hann í dag?
[Strípar]

2/12/04 04:00

feministi

Þetta líst mér vel á, að halda nektardaginn heilagan. Hvað segið þið um sunnudaga?

2/12/04 05:02

Blíða

Mikið er ég sammála þessu. Og það sem mér finnst eiginlega vera verst af öllu er að á meðan siðapostularnir fussa og sveia í hvert skipti sem sést í brjóst eða eitthvað þaðan af meira þá er framboð af hvers kyns ofbeldisefni að aukast og slíkt efni virðist af einhverjum orsökum vera meira í lagi heldur en nekt.
Fussumsvei, tökum líkamann í sátt áður en illa fer...

2/12/04 06:00

Melkorkur

Það er ekkert að klámi, nekt er ekkert til að skamast sín fyrir og speéhrætt fólk sem er hrætt við að tala um kynlíf eru kynfæralausir andskotar sem munu verða fyrst upp á móti veggnum þegar byltingin kemur.

Tina St.Sebastian:
  • Fæðing hér: 12/1/05 17:54
  • Síðast á ferli: 18/12/16 21:15
  • Innlegg: 7042
Eðli:
Slettir ensku miskunnarlaust, sem og dönsku, latínu, hindí og heimatilbúnum tungumálum. Mun aldrei framar setjast á hækjur sér, af siðferðilegum orsökum. Vill láta banna krumpuð leðurstígvél.
Fræðasvið:
Rit Davíðs Þórs Jónssonar. Breskir uppistandarar. Eldamennska. Málvillur í útvarpi. Sósíalkommúnismi í Íslenskum framhaldsskólum, einkum í úthverfum Reykjavíkur.
Æviágrip:
Fæddist í útihúsi í Betlehem í Virginíufylki Bandaríkjanna um miðbik síðari heimsstyrjaldar. Dóttir hjónanna Victoriu Mooseport (húsmóður) og Don Corleone (heiðvirðs kaupsýslumanns). Strauk að heiman um sjö ára aldur til að ganga í herinn, en var hafnað sökum kynferðislegrar brenglunar. Tók þá upp nafnið Tina St.Sebastian, og tókst með klókindum, undirförli og lauslæti að komast í Frímúrararegluna, Lionsklúbbinn Rex og Kvenfélag Strandasýslu. Lítið er vitað um ferðir hennar síðustu áratugi. Síðast var hún með fasta búsetu skráða Í Dallas, Texas, en flutti þaðan snögglega í nóvember 1963. Vitað er að hún heimsótti New York borg árið 1980, að sögn talsmanns til að "heimsækja fyrrverandi Bítil," en engar nánari upplýsingar hafa fengist um þá heimsókn. Vitni þykjast hafa séð hana við opnun Þjóðminjasafnsins, en þær sögur eru -enn sem komið er- óstaðfestar.

--

Vígð prestur frá Universal Life Church í nóvember 2006