óttalegt miðjumoð
aldrei hélt ég að ég myndi láta þessi orð af vörum falla, en það er eftirsjá að dabba kóngi. gef steingrími j. stjörnuna fyrir að nota ennþá hið kommúníska orðfæri "félagi".
lýsi eftir orðheppnum, hnittnum og áhaugaverðum stjórnmálamanni fyrir næstu síld.
Ansvitlans. Gleymdi Kryddinu. Var reyndar sofandi. En eins og þú skrifar þá er hálf tilgangslaust að fylgjast með gamla pakkinu þegar prímusarmótorinn Davíð er farinn.
já, þetta var alveg óþarflega leiðinlegt. það þarf í það minnsta að hella örar í glösin til að kveikja eitthvað líf í þessu liði.
Því miður er þetta rétt hjá litlunorn. Steigrímur J er færasti ræðumaðurinn á alþingi, verst að hann notar ekki þessa færni sína til að segja eitthvað að viti.
Já, þetta var með dauflegra móti en þar spilaði þó e.t.v. líka inn í að svo virtist sem Egill Helgason liti á köflum á þetta sem e.k. áramótaútgáfu af Silfri Egils (sem N.B. er ágætis þáttur - bara eigi á þessum degi).
Það sem ég sá af þessu verð ég að taka undir með ykkur öllum þetta var dapurt. Við vonumst bara eftir að það verði kominn nýr Dabbi Kókgur fyrir næstu Síld.
Gleðilegt Ár.
Ég slekk á sjónvarpinu þegar áramótaávarp forsætisráðherra drynur yfir... Kallinn er nefnilega svo suddalega leiðinlegur. Við verðum að koma Bagglýtingi á þing!!
Nermal - ertu viss um að ekki sé nú þegar Bagglýtingur á þingi ... eða jafnvel fleiri en einn? [Glottir við tönn]
Annars er uppruni nafns umrædds þáttar áhugaverður. Mér skilst að hann sé eftirherma af dönskum þætti sem heitir Krydsild, sem er danskt afbrigði enska orðsins crossfire. Mér skilst að meðal annars megi þýða þetta orð sem tvíeldar yfir á móðurmálið. Orðið andskot heyrði ég líka rétt í þessu í kjölfar umræðu um orðið, og þykir mér það skemmtilegt.
Ástæður þess að íslenska afbrigðið hlaut nafnið Kryddsíld frekar en eitthvað sem nær merkingu upprunalega orðsins ögn betur fylgja ekki sögunni, en sú staðreynd er skondin óháð því.
Sagan á bak við Kryddsíldarnafnið er sú að Vigdís Finnbogadóttir, þáverandi forseti, var boðuð í þáttinn Krydsild en íslenskir fjölmiðlar með sína fljótfærni og hugsunarleysi slógu því upp stóru letri að Vigdísi væri boðið í kryddsíldarveislu.
Ég sagði ykkur að það yrði eftirsjá af Davíð! Halldór kemst ekki með nefið þar sem Davíð hafði rassinn. (Og þó...)