— GESTAPÓ —
Bon Jonham
Nýgræðingur með  ritstíflu.
Pistlingur - 1/12/04
Brunaliðið, langt ú undan sinni samtíð

Einn átakanlegasti popp texti sögunnar

Núna um daginn heyrði ég í útvarpinu smellinn "ég er á leiðinni" með brunaliðinu og áttaði mig á því hverslags tímamótaverk þetta er. Lagið lýsir innri átökum sjómanns sem lagður er í einelti á vinnustað sínum og nær á ótrúlega áhrifamikinn hátt að fanga þetta "angst" sem þessum aðstæðum fylgja.
Þetta byrjar mjög sakleysislega og maður er látinn halda að allt sé með felldu en í viðlaginu er sprengjunni varpað þegar hann kemur fram með ásökunnina.

Á sjónum er ég laminn
oft ég heilann brýt um það.
Að örlögin mér hafi
ætlað einmitt þennan stað.

Þarna situr hann með marbletti jafnt á skrokk sem á sál og veltir fyrir sér hvort hann eigi þetta skilið og eða hvort þetta eigi bara að vera svona (þarna gælir höfundur við eilitlar karmískar vangaveltur). Trommuleikurinn ýtir undir þetta með áherslu á taktslagi 2og sem myndar hálfgert tómarúm innan taktsins og dýpkar þannig skynjun manns á tilfinningalegum tómleika fórnarlambsins.
Takið eftir að þetta er löngu fyrir tíma Regnbogabarna og umræðu um tilfinningagreind.
Í næstu línu sér maður svo vonleysið.

"Þú veist að ég uni ekki í landi
en verklaginn er ég á sjó.
Svo þú sérð að ég verð
að fara þessa ferð

Það er svo mikill sársauki í þessum línum. Hann veit að hann getur ekki farið í land því hann kann ekkert annað en að vera sjómaður. Hann er brotinn maður og búinn með allt baráttuþrek og játar sig sigraðann gagnvart þessum aðstæðum.
Það að Brunaliðsmenn séu ekki búnir að fá Fálkaorðuna fyrir að þora að standa upp og ræða þessi mál finnst mér til skammar, en sennilega var þjóðin bara ekki tilbúin fyrir þetta ennþá.

   (1 af 1)  
1/12/04 20:01

litlanorn

*grætur af hlátri*

1/12/04 20:01

Skabbi skrumari

Góður... salút

1/12/04 20:02

Lómagnúpur

Á sjónum,
enn ég lafi.
Oft ég heilann brýt um það.
Hvort örlögin
mér hafi
ætlað einmitt þennan stað.

1/12/04 20:02

Z. Natan Ó. Jónatanz

Uuu... pistlingurinn er með hreinum ágætum. Ég vona sannarlega að ég valdi ekki leiðindum með því að upplýsa að í fyrri textatilvitnuninni er ekki alveg nákvæmlega rétt með farið:
"Á sjónum er ég laminn" (rangt)
"Á sjónum enn ég lafi" (rétt)
[Enda rímar hið síðara við línuna "... hvort örlögin mér hafi"].
(http://www.xpress.se/~adma0146/halli/textar/a/alltaf_a _leidinni.htm ; (& einnig:)
http://kaldi.is/merkjavara/lagatextar.htm)

Þrátt fyrir allt má þó álykta sem svo, að söguhetjan hafi jú einmitt verið lamin & einelt af vinnufélögunum, en verið of bæld tilað láta þess getið í textanum, sem líklega hefur þá upprunalega átt að hljóma svona:
- - - - - - - - - - - - - - - - - - - - - - - - - -
Á sjónum er ég laminn
oft ég heilann brýt um það
hvort að endingu verði kraminn,
hér á einmitt þessum stað.
- - - - - - - - - - - - - - - - - - - - - - - - - -
Afsakið besservizkuna.

1/12/04 20:02

Skoffín

*dettur af stólnum í óstöðvandi hlátri*

1/12/04 21:00

Rasspabbi

Aldeilis heilmikil heilabrot í gangi...

1/12/04 21:00

Bon Jonham

Getur samt ekki verið að þið séuð fórnarlömb ritskoðunar pólitíkst rétthugsandi manna sem ekki vildu að sannleikurinn um sjómannastéttina kæmi framaf ótta við að flótti kæmi í stéttina með tilheyrandi hruni þessa aðal atvinnugreinar þjóðarinnar. Þið verðið að athuga að þetta er fyrir þekkingariðnað og kvótakerfi. Það var ekkert annað. Mennirnir sem réðu útveginum réðu líka ríkisútvarpinu og þar með allri birtingu á dægurlagatextum.

1/12/04 21:00

Júlíus prófeti

Já, þetta er allt ritskoðað, það liggur þegar fyrir.

1/12/04 21:00

Lind

Ég heyrði einhvern tímann að útfæra mætti aðra útgáfu af textabrotinu:

"Skipið skríður frá landi
með skellum við skundum á braut".

Hún felur í sér að víxla samhljóðum í upphafi orðanna "skundum" og "braut". Ég veit sosum ekkert hvað kemur út úr því, enda siðsöm stúlka...

1/12/04 21:01

Ívar Sívertsen

*springur í loft upp af hlátri*

1/12/04 23:01

voff

Það má vel vera að hljómsveitin Brunaliðið haf verið á undan sinni samtíð. Þó held ég að það sé mun mikilvægara fyrir hið eiginlega brunalið, þ.e. slökkviliðin um and allt, að vera á undan sinni samtíð. Þá gætu þeir komið og slökkt óorðna elda áður en kviknar í. Hugsið ykkur hvað það myndi spara í bílum og tækjum og ekki hvað síst stórminnkuðu tjóni af völdum bruna.

Bon Jonham:
  • Fæðing hér: 21/12/04 13:15
  • Síðast á ferli: 7/2/05 12:16
  • Innlegg: 0