Hársrót af auðþekkjanlegu hári Jesúss fannst á Suðurskautinu. Talið er að hárið hafi losnað við uppstigningu hans til himna fyrir all nokkrum árum og degi eða tveimur betur. Það hafi síðan borist með sterkum háloftavindum suður um höf og endað sem partur af óvenjulegri slyddu við Dal hinna dauðu skammt frá sjálfu skautinu. Vísindamenn við Cornell háskólann vilja klóna þetta hár og endurbera Jesús Krist. Telja þeir að með þessu verði skuldin goldin fyrir allar syndir mannkyns síðan 33 að meðtalinni krossfestingunni. Stjórnmálaskýrendur eru þó uggandi yfir endurkomunni en þeir telja að sá flokkur sem Jesús muni kjósa verði lengst til vinstri. ,,Þetta gæti þýtt róttæka öldu af kommúnisma og þrátt fyrir að í fljótu bragði líti hann út sem góður maður með leiðtogahæfni er það algilt að vald spillir“. Sópari í Bangladesh bendir aftur á móti á það að hægt verði að vista hann í flóttamannabúðum er hann verði kjörgengur. Sálfræðingar höfðu svipaðar áhyggjur af kindinni Dolly á sínum tíma sem og óskilgetnum afkomendum markgreifans Sade í blómlegu Frakklandi Skaftárelda. ,,Svona öfgakennd hugmyndafræði, er það ekki bara eitthvað á brauð?“ sögðu þeir er leitað var eftir útskýringum.