— GESTAPÓ —
Í uppáhaldi:
Félagsrit:
B. Ewing
Heiðursgestur.
Pistlingur - 31/10/04
Sögur yfir búðarborðið

Margt er það sem miður getur farið í einni búðarferð. Frásögn Ívars (sem nú er horfin) fékk mig til að rifja upp nokkrar skondnar búðarsögur.

Frá þeim tíma er ég sinnti afgreiðslustarfi á kassalínu þá þótti það vera 100% kvennastarf. Deildarstjórinn okkar hefur greinilega verið framsýn því verslunin var með þeim fyrstu sem kynntu karlkyns afgreiðslufólk til sögunnar. Slíkar kassalínur höfðu þangað til verið þétt setnar af bústum og heimilislegum dömum á besta aldri. Voru þær klæddar heimilislegum svuntum og stimpluðu í kassann af mikilli færni, mun hraðar en meðalbankagjaldkeri gat gert á þessum tíma.

Nokkrum sinnum var reynt að gera okkur karlpeninginn vandræðalegan við afgreiðslustörfin. Man ég sérstaklega eftir þegar nokkrar stúlkur á svipuðum aldri og ég var mættu með endurnýjaða nærfataskúffu á færibandið. Tilhlökkunin skein úr andlitum þeirra er þær nálguðust kassann pískrandi og flissandi.
Ekki var þeim kápan úr því klæðinu að fá roða í mínar kinnar við að handleika satínið, ná klunnalegri þjófavörninni af, losa \\\\\\\"herðatréð\\\\\\\" og stimpla inn viðeigandi verð og vöruflokk. Því miður fyrir þær var ég orðinn alltof sjóaður í þessum málum.
Þó var það svo að lúmskt gaman hafði ég af þessarri viðleitni enda á ungæðisaldri.
---

Önnur saga og svakalegri gerðist eitt sunnudagssíðdegi er miðaftan var náð. Kvað við sprenging í versluninni allsvakaleg og hávær sem glumdi í húsinu enda á milli. Brá fólki ónotalega við þetta en enga skýringu á látunum var að sjá í nokkra stund á eftir. Slíkur var hávaðinn að svepplaga ský hefði þótt raunhæfur eftirmáli en ekkert fannst. Engin kerfi höfðu sofnað. Engar perur höfðu blikkað eða slokknað og svo virtist sem hávaðinn hefði komið uppúr þurru og horfið uppúr þurru líka.
Að lokum eftir 20 mínúnta streð og leit fannst loksins torkennileg ávaxtalykt sem ekki hafði verið þar áður. Er betur var að gáð fannst undir einum afgreiðslukassana sprungin plastflaska sem 10 dögum áður hafði verið átöppuð með hreinum, óblönduðum appelsínusafa. Var hafist handa við að þrífa sullið undan afgreiðlukassanum og er grey manneskjan sem sat við umræddann kassa kom úr sínu kaffihléi var næstum búið að þrífa allt upp þó lyktin sæti eftir í nokkrar vikur.
Hefði daman á kassanum ekki fengið sitt kaffihlé akkúrat á þessum tíma þá er enn óvitað hvað hefði getað gerst því tappinn á flöskunni var með öllu horfinn. Sá fannst inn í miðri versluninni löngu síðar og hafði þá flogið um 30-40 metra frá upphafsstað (og flaskan var undir afgreiðsluborðinu svo ekki komst tappinn beina leið á loft).

Fleiri verða þær ekki í bili enda nóg komið í þetta rit.

   (26 af 36)  
31/10/04 07:01

Tigra

Haha.
Ég lenti einu sinni í því að vera í búð að kaupa mér sokkabuxur og g-strengi.. og vesalings pilturinn sem var að afgreiða varð svo vandræðalegur að hann ætlaði varla að ná þjófavörninni af.
Við það varð hann enn taugaveiklaðari og þegar honum tókst loks að ná þjófavörninni af þeim, dreif hann þetta bara ofan í poka.
Ég borgaði og labbaði út, en þegar heim var komið sá ég að hann hafði bara rukkað mig fyrir sokkabuxurnar... hamagangurinn var svo mikill að hann steingleymdi nærbuxunum!

31/10/04 07:01

Ívar Sívertsen

Svona myndardama eins og þú... hver hefði ekki orðið svolítið stressaður... [glottir]

31/10/04 08:00

Sundlaugur Vatne

Ummhmm... Tígrisdýr í þvengbrók. heillandi hugmynd.

31/10/04 08:00

B. Ewing

Heppin að ég hef hætt þessháttar störfum. Þá hefði verið borgað fullt verð.

B. Ewing:
  • Fæðing hér: 11/10/04 18:08
  • Síðast á ferli: 3/10/11 18:11
  • Innlegg: 3473
Eðli:
Heimilisfang: Southfork Ranch, Braddock Road, Texas Sögulegir viðburðir í lífi mínu: 16. maí 1986 : Reis upp frá dauðum. Geri aðrir betur.

Aðrir merkisviðburðir á þessum degi hin ýmsu ár komast ekki í hálfkvisti við mig!

1994 : Tennisstjarnan Jennifer Capriati (hver er það) er handtekin fyrir að hafa maríjúana í fórum sínum.

1990 : Juventus vinnur 19.UEFA bikarkeppnina í Avellino.

1988 : Hæstiréttur Bandaríkjanna úrskurðar að leita megi í rusli fólks án leitarheimildar.

1986 : Top Gun frumsýnd.1985 : Michael Jordan útnefndur nýliði ársins hjá NBA.

1984 : Juventus vinnur 24.Evrópubikarkeppnina í Basel.

1983 : Líbanska þingið samþykkir friðarsamning við Ísrael.

1977 : 5 manns dóu þegar þyrlu hvolfdi á Pan Am bygginguna í New York. (semsagt 11. september var bara um 24ra ára gömul hugmynd).

1975 : Japanska konan Junko Tabei verður fyrst kvenna til að klífa Mt.Everest.

1969 : Geimfarið Venera 5 lendir á Venus. Sendir okkur svo upplýsingar um loftslag plánetunnar. Frekari upplýsingar vel þegnar en hafa ekki borist.
Fræðasvið:
Konur, olía, sandur og suðurríkjahreimur.
Æviágrip:
Fjölskyldan mín:
Faðir: Jock Ewing (dáinn 1981)
Móðir: Ellie Ewing Farlow
Stjúpfaðir: Clayton Farlow

Bræður: JR, Gary
Hálfbróðir: Ray Krebbs

Synir: Christopher, Lucas Krebbs (ættleiddur).

Starfaði lengi fyrir bróður minn JR á búgarðinum.
Fyrst sem verkamaður hjá Ewing Oil (á áttunda áratugnum); verkstjóri (1978, 1980);
Forstjóri byggingasviðs Ewing (1978-1980);
Forstjóri Ewing Oil (1980, 1982-1987, 1988-1990, 1996-98);
Þingmaður Texasfylkis (1981);
Forstjóri Petro Group Dallas (1987-88);

Eignaðist líka Southfork Ranch búgarðinn 1991 og hef átt hann síðan.

Trúlofaðist æskuvinkonu minni, Jennu Wade tvisvar sinnum, fyrst 1970 en sama ár stakk hún af til Evrópu og skildi mig eftir í sárum. En þá hitti ég Pam Barnes.Við urðum strax afar ástfangin af hvort öðru og fluttum okkur til New Orleans árið 1978, en hjónabandið gat ekki enst vegna sívaxandi þrýstings frá Ewing Oil, eða öllu heldur afskiptum systkina minna af okkur. Þess vegna skildum við og ég tók saman við Jennu (aftur). Við glæddum ást okkar nýju lífi og ætluðum að standa við stóru orðin um að giftast, en Jennu var rænt á sjálfan brúðkaupsdaginn og ég komst sjálfur að því að ég var í raun ástfanginn af Pam.
Við Pam giftumst aftur árið 1986 en það sama ár flýði hún eftir hræðilegt bílslyss (eða hvað?).

Þrem árum síðar giftist ég í 3ja sinn og þá henni April Stevens en henni var rænt og hún myrt í brúðkaupsferðinni.