Baggalútur

— GESTAPÓ —

Í uppáhaldi:

Ásar vinna

Mafía 2 - LEIK LOKIÐ

Pisltingur

Sögustund: 4. kapítuli- Sögulok

Á Enter alltaf síðastaorðið?

Prumpa grænmetisæturmeira en venjulegtfólk?

Opin samkeppni umlofkvæði um hana ömmumína

Baggalútsskorturinn ísumar...

Félagsrit:

B. Ewing

Heiðursgestur.

Sálmur - 4/12/04

Gömul mánaðarheiti

Fyrst Harpa nokkur ætlar að fara að syngja sitt lag enn eitt árið þá er ekki úr vegi að rifja upp hver þessi Harpa er og kynnast systrum hennar og bræðrum aðeins nánar.<br /> <br /> Nýverið kom í ljós ljóð handskrifað af afa mínum heitnum sem ég tel viðeigandi að birta í fyrsta sinn opinberlega á þessu þekkingarsetri mannsins og næringarstöð mannsandans.<br /> <br /> Verkið er í bundnu formi og tel ég ofangreindan vera höfund þess unz sannanir um annað hafa borist.

Mörsugur á miðjum vetri
markar spor spor í gljúfrasetri
Þorri hristir fannafeldinn
fnæsir í bæ og drepur eldinn
Góa á til grimmd og blíðu
gengur í éljapisi síðu
Einmánuður andar nepju
öslar snjó og hendir krepju
Harpa vekur von og kæti
vingjarnleg og kvik á fæti
Skerpla lífsins vöggu vaggar
vitjar hrelldra sorgir þaggar
Sólmánuður ljóssins ljóma
leggur til og fuglahljóma
Heyannir og hundadagar
hlynna að gæðum fróns og lagar
Tvímánuður allann arðinn
ýtum færir heim í garðinn
Gormánuður grellið tetur
gengur í hlað og leiðir vetur
Haustmánuður hreggi grætur
hljóða daga langar nætur
Ýlir ber en byrgist sólin
brosa stjörnur koma jólin

(31 af 36)

4/12/04 19:01

Skabbi skrumari

Þakkir fyrir þetta, ég legg til að menn læri þetta utanað... skál...

4/12/04 19:02

Dalai Lama

Í fyrsta sinn???? Þetta er úr úr stafrófskveri eftir Hallgrím Jónsson (1875-1961) kennara og skólastjóra en ekki eftir afa þinn! Afi þinn var rugludallur!

4/12/04 19:02

Nornin

Skiptir litlu hvaðan gott kemur. Reyndar gott að fá höfundinn á hreint til að B.Ewing verði ekki vændur um Hannesun. Er það 100% að þetta sé eftir H.J.

Góð þula og skemmtilegt að fá svona greinagóða úttekt á röðun mánaðanna.

4/12/04 20:01

Z. Natan Ó. Jónatanz

Glæsilegt kvæði, sem á svo sannarlega erindi í félagsrit.

Hvað varðar höfundarspursmál - Ewing orðaði þetta svo:
" . . . og t e l ég ofangreindan vera höfund þess unz sannanir um annað hafa borist."
Dalai Lama bendir réttilega (en fremur ókurteislega) á að kvæðið hefur sannarlega birzt áður opinberlega. Hann hefur þó ekki fyrir því að leggja fram gögn máli sínu til stuðnings, & geri ég það því hérmeð, óumbeðinn:
http://www.ismennt.is/not/thodda/dagatal2004.ppt#286,1,Slide%201

Það er hinsvegar enganveginn sannað að afi pistilritara hafi verið rugludallur. Aukinheldur vitum ekki nema Ewing-afinn & téður Hallgrímur skólamaður gætu hafa verið einn & sami maðurinn...

4/12/04 20:01

Dalai Lama

Dalai Lama er greinilega ruddi.

4/12/04 20:01

Tumi Tígur

Og aukinheldur þá kemur fram hjá Ewing að þetta er að birtast í fyrsta skipti opinberlega [á þessu þekkingarsetri mannsins og næringarstöð mannsandans] sem myndi þá vera Baggalútur?
Sem er alveg rétt, ekki hef ég séð þetta á lútinum áður.

4/12/04 20:01

voff

Ég vil nú bara benda þér á að í dag er 1. Floréal árið 213!

5/12/04 01:01

B. Ewing

Takk fyrir upplýsingarnar. Kvæðið var einungis af handskrifuðu blaði aukinheldur þess að afi heitinn var eigi þekktur fyrir kveðskap. Engar upplýsingar um hvenær eða hver orti var að finna á téðu blaði en nú hefur það verið leiðrétt (hversu ósmekklega sem það var gert) Dalai Lama lærir vonandi af reynslunni með sín skrif og að lesa til hlýtar félagsrit áður en hlaupið er yfir lyklaborðið með upphrópunarmerkjum og svívirðingm.

B. Ewing:

Fæðing hér: 11/10/04 18:08
Síðast á ferli: 3/10/11 18:11
Innlegg: 3473

Eðli:

Heimilisfang: Southfork Ranch, Braddock Road, Texas Sögulegir viðburðir í lífi mínu: 16. maí 1986 : Reis upp frá dauðum. Geri aðrir betur.

Aðrir merkisviðburðir á þessum degi hin ýmsu ár komast ekki í hálfkvisti við mig!

1994 : Tennisstjarnan Jennifer Capriati (hver er það) er handtekin fyrir að hafa maríjúana í fórum sínum.

1990 : Juventus vinnur 19.UEFA bikarkeppnina í Avellino.

1988 : Hæstiréttur Bandaríkjanna úrskurðar að leita megi í rusli fólks án leitarheimildar.

1986 : Top Gun frumsýnd.1985 : Michael Jordan útnefndur nýliði ársins hjá NBA.

1984 : Juventus vinnur 24.Evrópubikarkeppnina í Basel.

1983 : Líbanska þingið samþykkir friðarsamning við Ísrael.

1977 : 5 manns dóu þegar þyrlu hvolfdi á Pan Am bygginguna í New York. (semsagt 11. september var bara um 24ra ára gömul hugmynd).

1975 : Japanska konan Junko Tabei verður fyrst kvenna til að klífa Mt.Everest.

1969 : Geimfarið Venera 5 lendir á Venus. Sendir okkur svo upplýsingar um loftslag plánetunnar. Frekari upplýsingar vel þegnar en hafa ekki borist.

Fræðasvið:

Konur, olía, sandur og suðurríkjahreimur.

Æviágrip:

Fjölskyldan mín:
Faðir: Jock Ewing (dáinn 1981)
Móðir: Ellie Ewing Farlow
Stjúpfaðir: Clayton Farlow

Bræður: JR, Gary
Hálfbróðir: Ray Krebbs

Synir: Christopher, Lucas Krebbs (ættleiddur).

Starfaði lengi fyrir bróður minn JR á búgarðinum.
Fyrst sem verkamaður hjá Ewing Oil (á áttunda áratugnum); verkstjóri (1978, 1980);
Forstjóri byggingasviðs Ewing (1978-1980);
Forstjóri Ewing Oil (1980, 1982-1987, 1988-1990, 1996-98);
Þingmaður Texasfylkis (1981);
Forstjóri Petro Group Dallas (1987-88);

Eignaðist líka Southfork Ranch búgarðinn 1991 og hef átt hann síðan.

Trúlofaðist æskuvinkonu minni, Jennu Wade tvisvar sinnum, fyrst 1970 en sama ár stakk hún af til Evrópu og skildi mig eftir í sárum. En þá hitti ég Pam Barnes.Við urðum strax afar ástfangin af hvort öðru og fluttum okkur til New Orleans árið 1978, en hjónabandið gat ekki enst vegna sívaxandi þrýstings frá Ewing Oil, eða öllu heldur afskiptum systkina minna af okkur. Þess vegna skildum við og ég tók saman við Jennu (aftur). Við glæddum ást okkar nýju lífi og ætluðum að standa við stóru orðin um að giftast, en Jennu var rænt á sjálfan brúðkaupsdaginn og ég komst sjálfur að því að ég var í raun ástfanginn af Pam.
Við Pam giftumst aftur árið 1986 en það sama ár flýði hún eftir hræðilegt bílslyss (eða hvað?).

Þrem árum síðar giftist ég í 3ja sinn og þá henni April Stevens en henni var rænt og hún myrt í brúðkaupsferðinni.