Sumt hér hefur komið fram áður; annað ekki ... en nú held ég að ekkert fleira þurfi að koma fram.
Árshátíð Gestapó 2007 verður haldin þann 17. nóvember klukkan 20:00 á sveitakránni Ásláki í Mosfellsbæ. Við höfum staðinn algjörlega út af fyrir okkur til miðnættis; eftir það verður opnað fyrir almenningi, en slíkt útilokar vitaskuld ekki frekara sumbl fram eftir nóttu af okkar hálfu.
Aðalþema árshátíðarinnar verður mafíutengt, en því fylgja engar kvaðir um klæðaburð, hegðun, né annað. Þó væri mjög skemmtilegt ef fólk gæti annað hvort mætt í grunsamlegum eða mafíutengdum klæðnaði. Hins vegar skal aftur ítrekað að slikt er engan veginn skylda. Ekki er heldur skylda að mæta í pörum, né að pör séu í sama stíl. Makar Gestapóa eru annars mjög svo velkomnir, og nýliðar eru sérstaklega hvattir til að mæta svo hægt sé að innvígja þá almennilega í okkar sérlega sérstaka samfélag.
Rúta verður í boði til að sækja fólk og ferja á staðinn, sem og keyra í bæinn þegar herlegheitunum lýkur, sem verður einhvern tímann eftir miðnætti. Þeir sem óska eftir rútu þurfa að koma til boðum til árshátíðarnefndarinnar og láta vita af því hvar þeir vilja láta ná í sig.
Árshátíðarmiðinn mun kosta 2000 krónur, með nokkru magni af fríkeypis blúti. Þeir sem kjósa að neyta ekki áfengis greiða einungis 1000 krónur, en verða þá vitaskuld stimplaðir bindindismafíósar fyrir vikið.
Rútan kostar síðan 1000 krónur aukalega.
Innheimt verður við komuna á staðinn, í reiðufé eingöngu.
Þeir sem vilja fá rútufar verða að senda annað hvort mér eða Dulu einkapóst, þar sem fram kemur hvar á að ná í viðkomandi. Leiðarplan verður útbúið út frá því hverjir fara með rútunni og hvar þeir búa. Leitast verður eftir því að lágmarka göngutíma allra eftir fremsta megni.
Í tengslum við árshátíðina fer fram vinsældakosning, sem við mælum eindregið með að þú takir þátt í. Atkvæði þitt gæti ráðið úrslitum!
Já ... mæting á árshátíðina er alls ekki forsenda þátttöku í kosningunni, þó bæði sé vitaskuld betra.
<Læðist inn í ljósum frakka, með gleraugu og gerfiskegg>
Ég legg til að allir kjósi Hvæsa!
Ég þekki hann ekkert sko, en held að hann sé drengur góður.
<Læðist út>
[Dreifir mútufje og kosningaáróðri út um allt]
Þess ber þó að geta að í einu atriði í kosningunum er bannað að kjósa oss.
Hvernig er það, það má sem sagt ekki kjósa Vlad sem mestu dömuna. Þá kjósum við hann sem krúttið!
Ég legg til að Bebe Ewing verði kosin mesta krúttið og jafnvel efnilegasti nýliðinn
Ég var búin að kjósa, svo ég get ekki kosið Bebe efnilegasta nýliðann.
Er lika ekki betra að bíða eftir a.m.k. einni vísu frá litla galdrabúbbanum?
Af hverju er ekki kosið um skapverstu öndina?!
[Sprengir alla í loft upp]
Hjeddna, Þarfi? Hvað ef maður er ekki bindindismafíósi en er með raunheimaofnæmi fyrir blút?
Ég held að það séu komnir fleiri en minnihluti, og færri en meirihluti á Alþingi Ýsulendinga.
Hexia ... við viljum nú ekki hafa hátt um það, en það leyfist að fá sér ókeypis vín í stað blúts ...
Er í alvöru gert ráð fyrir því að áfengi verði haft um hönd? [Hrökklast afturábak og hrasar við].
Ég sem var að hugsa um að láta sjá mig. [Tekur ávörðun sína til endurskoðunar]