Beint að efninu: Myndin Nightmare before Christmas er stórgóð eins og allt sem kemur frá Tim Burton þótt hún sé nú ekki í neinu uppáhaldi hjá mér. En mikilsvirt hrós Finngálknsins rennur óskipt til MH-inga fyrir uppfærslu þeirra á verkinu í Loftkastalanumm. Allir leikararar standa sig með prýði (en þó einkum og sér í lagi sá sem fór og fer með aðalhlutverkið og leikur Jóa - eða Jack eins og hann heytir í myndinni), búningar, lýsing og sviðsmynd smella svo einkar vel saman. Það sem kemur samt mest á óvart er hversu gott rennslið er í sýningunni, það er aldrei dauður kafli í þá 2 klukkutíma sem leikritið stendur yfir.
Verður sérstaklega að hafa í huga að það fé sem er nýtt í slíka sýningu er fengið úr sjóði nemendafélagsins og þar af leiðandi ekki úr miklu að moða en samt tókst MH-ingum að hnoða saman þessa stórgóðu sýningu.
Ég varð hins vegar fyrir þeim miklu ömurlegheitum að sjá "Hárið" í Austurbæ í haust þar sem ekki skorti peningana til að dæla í góða uppfærslu, en nei! - Þvílík vonbrigði. Sú sýning var vægast sagt ömurleg! Endilega styrkið nú Leikfélag MH og fjölmennið á sýninguna, þau eiga það skilið fyrir að gera jafn stórfenglega sýningu úr jafn litlu og raun ber vitni um.

P.s. Nei ég er ekki nemandi í Menntaskólanum við Hamrahlíð né velunnari skólans á nokkurn hátt! - Drullið ykkur bara á sýninguna ef þið viljið hafa af leikhúsferð góða skemmtan! Amen.