Gullin hverfa í handraða tímans
Um daginn, er ég hugðist dúkka hér upp og fara að skipta mér að, komst ég að því að vandað aðgangskerfi Baggalúts kannaðist ekki við mig. Hafði ég verið felldur niður? Ég sendi Enteri fyrirspurn og hann brást við með snarræði, pilturinn, og endurreisti mig. Þannig að nú er ég bæði hér og þar. Feginn.
Ég hefði nú skolað þér niður eins og frændum þínum, Karíusi og Baktusi en því miður lenti ég í minnihluta á fundi innflytjendaráðs svo hér ertu víst kominn. (Bölvar herfilega og rífur í hár sitt).
Það var reyndar þannig að Enter gaf Dýrmundi poka með "haltu kjafti" brjóstsykri. Hann var svo upptekinn af sælgætisáti að atkvæðagreiðslan fór alveg framhjá honum. [Glottir eins og fífl]
Enter hefur greinilega ráð undir rifi hverju, en reyndar segir maður: "skipta mér af".
[Glottir enn meira en Bjúvíng]
Það hefur líka verið reynt að sturta mér niður en ég finn alltaf leið til að komast upp aftur.
Aðeins ef þú átt við merkinguna "að skerast í leikinn." Hér í Sýslunum skiptum við okkur að þegar við gefum af okkur græðlinga.
Vjer tökum undir með Kondensatornum, gott að Lómagnúpur var ekki fluttur til Svalbarða, líkt og gerðist með Ísafjörð á gamla Gestapóinu. Skál !