Sá undarlegi atburður gerðist að ég fékk vitrun frá skapara mínum. Það var um sex leitið í morgun sem ég hugðist leggja mig í nokkra tíma, eftir þriggja sólarhringa vöku. Ég var á leið inn í svefnherbergi u.þ.b. hálftíma eftir að ég hafði gleypt nokkrar svefntöflur, já eða réttara sagt 15 töflur af rohypnol, nema hvað?
Ég missti skyndilega allan mátt í fótunum og féll á gólfið.
þar lá ég sem lamaður og gat mig hvergi hreyft.

Ég neita því ekki að ég varð skelfingu lostinn þegar dyrnar að íbúðinni opnuðust og inn gekk vængjuð vera með slíka útgeislun að ég blindaðist eitt augnablik.
Ég náði með naumindum að teyga mig í sólgleraugu og þá sá ég það fór ekkert á milli mála að hér var engill á ferð.
Hann var ekkert að orðlengja þetta og sagði:
Vímus þú hefur verk að vinna!
Ég gat ekki séð né fundið að ég væri fær um að komast á klósett í þessu ástandi hvað þá meira. Þegar ég sagði honum að ég væri 100% öryrki, hrópaði hann. Rís upp Vímus og éttu rítalín.
Viti menn! Ég spratt upp sem fjöður úr englavæng og byrjaði á því skella í mig rítalíni sem engillinn rétti mér.
Síðan lagaði ég kaffi. Engillinn þáði kaffi en vildi ekki setjast við borðið þar sem stólarnir hentuðu ekki vænghafinu.

Erindi hans var með ólíkindum, Guð hefur falið mér að gefa ykkur kæru vinir tækifæri til að gleðja konurnar ykkar á stórkostlegan hátt
Ég kem til með að sjá alfarið um svokallaðar Dekurvikur í Byrginu.
Þar mun ég fara mjúkum líknarhöndum mínum um þær og þjóna þeim með sem mestri reisn. Eitthvað virðist sá gamli fylgjast með ykkur sem karlkyns eruð, já hann var ekkert að skafa af því og sagði best að þið færuð í afvötnun inn á Vog á meðan.
Sem sagt Jólagjöf konunnar er dekurvika með Vímusi í Byrginu.
Allt þetta fæst fyrir aðeins 99,999 kr.
Að lokum óska ég ykkur gleðilegra jála.