Hver hefur ekki heyrt setningu sem þessa: Brennivínið hefur drepið margan góðan drenginn.<br /> Mæðulega andvarpar fólk og svarar. Já, þvílíkt böl sem þetta eitur er. <br /> Annað eins bull og fáviska er með ólíkindum. Fíkniefni, hvort sem þau nefnast, áfengi, sígarettur, dóp eða eitthvað annað, t.d sterar hafa aldrei skaðað einn eða neinn, hvað þá drepið einhvern. Meiningin var að halda um þetta ítarlegan fyrirlestur á Heilsugæslu Vímusar í dag kl. 17. Vegna augljósrar fóbíu Bagglýtinga fyrir þessari ágætu heilsugæslustöð, tel ég það vonlaust. Víkjum nú aftur að umræðuefninu og byrjum á brennivíni. (Skál!) Gefum okkur að maður falli fyrir slysni oní tæplega fullan tank af brennivíni og drukkni, þá er um augljóst slys að ræða og engan veginn hægt að kenna víninu um að hafa banað manninum. <br /> Annað dæmi. Ofurölvi maður ( vegna áfengisdrykkju og pilluáts) sofnar út frá logandi sígarettu. Hann endar sína ævi í hræðilegum eldsvoða. Hver af eftirtöldum vímugjöfum er morðinginn? Áfengið, dópið eða sígarettan? Hafi einhver áhuga fyrir nánari útskýringum, má nálgast þær á Heilsugæslu Vímusar þegar mér hentar.<br /> Sem stendur er ég önnum kafinn við að bæta eigin heilsu með ölþambi, lyfjaneyslu og vindlareykingum. Skál !<br />

   (26 af 38)