Greiðendur fasteignagjalda!
Munið að þótt þið eigið í raun minna en ekkert í húsunum ykkar og bankinn gæti hirt þau af ykkur hvenær sem er, þá verðið þið samt sem áður að borga fasteignagjöldin. Svona erum við ógeðslega sniðug!
Sveitarfélögin
Auðtrúa asnar athugið!
Myntkörfulánin sívinsælu eru komin aftur!
Bankarnir
Nauðungaruppboð
Hreindýrasleði. Átta hreindýr. Rauður galli (XXXL) og nýuppgerð stúdíóíbúð á Norðurpólnum (áhvíl. 87 millj.).
Draugar athugið
erum með mikið af fallegum eignum í sölu víða á höfuðborgarsvæðinu.
Félag fasteignasala.
Vel með farið
eintak af spennusögunni „Þrír um leyndarmálið“ fæst í skiptum fyrir heillegar snjóþvegnar gallabuxur. Fullum trúnaði heitið.
Á sérlegum neyðarfundi norðurlandaráðs nú fyrir stundu, í samvinnu við ríkisstjórnir Danmerkur, Noregs, Finnlands, Íslands og Svíþjóðar var ákveðið að skipta löndunum tafarlaust upp í smærri einingar.
Er það gert í ljósi nýfenginna úrslita í Eurovision, en talið er að tugir, jafnvel hundruðir stiga, sem norðurlöndin gætu auðveldlega gefið hvert öðru fari til spillis með núverandi fyrirkomulagi.
Fá Færeyjar, Grænland, Álandseyjar, Jótland og Lappland sjálfstæði þegar í fyrramálið auk þess sem gert er ráð fyrir að Skánn, Svalbarði og Kristjanía bætist í hópinn fljótlega.
Hefur ríkisstjórn Íslands ákveðið að leggja Vestmannaeyjar, Vestfirði og Flatey á Breiðafirði í púkkið.
Olga Benedikta Thorarensen-Warchovsky er látin, 103 ára að aldri.
Olga, sem iðulega var nefnd Rússa-Grýla, starfaði lengst af innan ...
Bandarískur sérfræðingur í samningatækni kemur til landsins á morgun og verður Íslendingum innan handar í viðræðum við Hollendinga og ...
Böðvar Brjánsson, betur þekktur sem rostungadrengurinn er látinn. Böðvar helgaði líf sitt athugunum á atferli rostunga í Norður-Íshafi og dvaldist ...
Nýr og öflugur dauðageisli er nú tilbúinn til notkunar á Rannsóknarstofu í kvenna- og kynjafræðum.
Ekki er fyllilega ljóst ...
Kvenfélagið Frunta á Bolungarvík styrkti nú nýverið Haiti-búa með glæsilegri gjöf - forláta Pentium II fartölvu með litaskjá og geisladrifi, ...
Baggalútur er hýstur með stolti hjá SKÝRR
Sífellt kemur betur og betur í ljós hvílíkir svíðingar og landeyður útrásarvíkinganrir okkar í raun eru.
Ekki er nóg með að þeir hafi með hamslausri græðgi og siðleysi komið þjóðinni á vonarvöl með klækjum og svartagaldri heldur bendir nú allt til þess að þeir hafi lagt stund á stórfellt mannát á undanförnum misserum, einkum á börnum og gamalmennum.
Þá virðast þeir hafa haft unun af því að pína dýr, sér í lagi litla kettlinga og hvolpa – og dæmi eruum að útrásarvíkingar hafi svikist um að skila bók á bókasafnið og svindlað sér í strætó.
Félags- og dómsmálaráðuneyti hafa af þessum sökum til athugunar að taka upp galdrabrennur á ný hér á landi.
