Baggalútur

Þjóðbók

Hjálmar Jónsson frá Bólu
bola.blogfrenzy.dk

Hlandþynnt, helvítis djöfulsins grábölvuð andskotans vitleysa er þetta. Hann Eddie minn Murphy skilinn, enn eina bévítans andskotans ferðina. Helvíti sem honum helst illa á kvenpeningnum, eins og hann er nú skratti skemmtilegur.

Hlýtur að vera vindgangurinn, skilst að hann fylgi bévítans bótoxinu.

17/1/08 • Þjóðbók

Hjálmar Jónsson frá Bólu

Af áframhaldandi ömurðarvist, jarðneskri

Ending heims að engu gjörð
allt í herjans plati.
Áfram lafir okkar jörð
í alheimsrassagati.

31/12/69

Hjálmar Jónsson frá Bólu

Mallorka

Þetta er nú meiri andskotans helvítis djöfulsins endemis vitleysan í þessum helvítis kellingum alltaf hreint. Að draga mann bláeygðan og náhvítan út á þennan hispænska andskotans veraldarhjara. Sitja svo þarna eins og albínókarfi á kolagrilli og brenna upp við hysterískan undirleik stífbotna flamengóglyðrna með marglita regnhlífða ólyfan í hendi, deyfður og duglítill. Helvítis andskotans rugl. Næst er það Björgvin – og ekkert djöfuls múður.

31/12/69

Hjálmar Jónsson frá Bólu

Stutt yfirlýsing ellegar greinargerð

Ég þolekki sjalla, ég þolekki komma
ég þolekki jafnaðarpakk.
Ég þolekki lesbíur, þolekki homma
ég þolekki sjálfan mig. Takk.

31/12/69

Hjálmar Jónsson frá Bólu

Iss

piss...

er nú mannskapurinn að væta brók yfir einum vesælum sunnlenskum skelfingarhnerra? Smáræðis bossadilli í fjallkonunni.

Það sem þessa þjóð vanhagar um eru hressileg móðuharðindi. Það er alvöru stöff, eða svo var hún móðir mín blessunin vön að segja.

31/12/69

Hjálmar Jónsson frá Bólu

Ein vísa um evrópskan ófögnuð

Þið einföldu déskotans ömurðarflón
sem örvingluð sitjið og starið
á glitskrúðugt úrkynjað evróvisjón
uns allt ykkar skynbragð er farið.

31/12/69

Hjálmar Jónsson frá Bólu

Kveðja til ráðamanna, íslenskra

Spikuðu landeyður finniði fjandann
og fáið að skríðí hans kör.
Takið svo andskotans efnahagsvandann
og etið með hlandsýrðri mör.

31/12/69

Hjálmar Jónsson frá Bólu

Frjókornaofnæmi

Í blóðsprengdum nösum mér hangir nú hor
horfinn er veturinn trausti.
Megir þú andskotans volaða vor
verða sem snarast að hausti.

31/12/69

Hjálmar Jónsson frá Bólu

Al Gore

Hvað er þessi ameríski andskotans ístrubelgur að tuða um hnattræna hlýnun? Ég ætti að taka þennan gleiðmynnta, tannglansandi trúð í vist, svo sem eins og einn vetur. Sjáum hvort hann slær svartkalinni hendi á móti nokkrum aukagráðum á helvítinu honum selsíusi eftir það.

31/12/69

Hjálmar Jónsson frá Bólu

Greiningardeild alþýðu

Leikur sér með örlög okkar
auðvaldspakk með vélar þykkar.
Blauðu djöfuls drullusokkar
drattist til að skammast ykkar.

31/12/69

Hjálmar Jónsson frá Bólu

Bévítans bölvað bensínið

Fari það í gulbröndótt gallið úr geldum gullhamstri! Hvað á þetta andskotans ekkisens bensín að hækka mikið áður en þessi rassíða ræfils ríkisstjórn tekur við sér? Og hversu ítrekað og einbeitt er hægt að böðlast á bakrauf einnar þjóðar áður en hún bítur til baka? Svei.

31/12/69

Hjálmar Jónsson frá Bólu

Lofyrði

Aldrei skal ég blogga blogg
– bölvanleg sú skitna iðja.
Frekar má Snoop Doggy-Dogg
daglangt hlustir mínar ryðja.

31/12/69

Hjálmar Jónsson frá Bólu

Læmrek um þorra

Í febrúar þorra eg fagna
föðurlandsástina magna.
Saltmet' og súr-
– sauðkindum úr –
án skilyrða et upp til agna.

31/12/69

1, 2, 3, 4, 5

Fréttir

Enter – 23/5/13

Ný ríkisstjórn verður í háskerpu

Enter – 21/5/13

Kolbeini kapteini meinaður aðgangur að kommentakerfum

Enter – 20/5/13

Paul McCartney semur fyrir Brúðubílinn

Enter – 18/5/13

Norður–Kórea lýsir yfir sigri í Eurovision

Númi Fannsker – 16/5/13

Búin að eyða endurgreiðslunni

Lesbók

Enter

Dómnefnd í stað Alþingiskosninga

Enter

Stimpilgjöld í Norðurþingi

Enter

Rottur hálendisins

Enter

Tiltekt á tímakaupi

Enter

Fáein atriði sem við getum núna einbeitt okkur að að rífast um í stað Icesave

Enter

Góðir og vel upp aldir netverjar

Úr þjóðbók

Miðlæg málfarsmylsna 724982

Fyrsti málfræðingurinn

Einar sendi:
„Leðurjakkarnir komnir,“ sagði í auglýsingu í Ríkisútvarpinu, hljóðvarpi í morgun. Heyr á endemi. Eru nú leðurjakkar með sjálfstæðan vilja og geta komið og farið eins og þeim sýnist? Og hvaða orðskrípi er þetta „leður“? Er þetta ekki enska; „leather,“ ellegar djöflaþýska „leder?“ Og „jakki?“ Hvað er það? Meiri enska; „jacket.“ Gott ef ekki danska; „jakke!“ Hér vitanlega átt við dýrshúðarblússur og færi betur að auglýsingin hljómaði svo: Dýrshúðarblússur eru til í verslun vorri.“

Mylsnudreifari tekur undir hvert orð!

Er til of mikils mælst að þeir sem stjórna í Efstaleiti tali íslensku? Svona fólk kann ekki að tala og á ekki að tala. Réttast væri að hnýta fyrir raddböndin á þessum háu herrum sem fyrir löngu ættu að vera horfnir til annarra starfa en að dæla sínum málsaur yfir blásaklausa ÍSLENDINGA sem tala ÍSLENSKU á ÍSLANDI!

15/9/11

Jólakveðjur

Dr. Helgi Pjeturss

Ég vil, að gefnu tilefni, minna á að síðustu forvöð til að senda jólakveðjur til annarra lífsstjarna eru kl. 10.30 í fyrramálið.

Athugið einnig að ekki verður tekið við fleiri kveðjum frá framliðnum. Kóbaltið er á þrotum á lager.

19/12/08

Skunkar og merðir

Hjálmar Jónsson frá Bólu

Hvur ætlu séu viðurlög við því að skjóta skunk? Eða mörð?

Þeir hafa nokkrir verið að sniglast hér í bakgarðinum undanfarið. Og haldið fyrir mér vöku.

13/11/08

Baggalútur er hýstur af alúð og umhyggju hjá ADVANIA