Nú fer ég og skrái mig á Snapptjatt og Tinder og Twitter og allt þetta sjitt. Þið getið bara fylgt mér þar.
Þá er hægt að loka þessum kirkjum öllum og breyta þeim í hótel.
Mér finnst gott að maula ís,
mikið fínt og gaman.
Mamma er sko í mussu úr flís,
mikið er það gaman.
Er annars að pæla í því hvort þetta „sko“ eigi kannski ekkert heima þarna. Það er náttúrulega danska.
Ýmsir félagar og vinir úr útgeimi hafa haft samband við mig vegna yfirvofandi heimsendis, sem þeir hafa lesið um á Alnetinu.
Ég hef róað þá og sagt að í mesta lagi verði um mjög lítinn, staðbundinn heimsendi að ræða. Helst að astrófísísk spegilsamfélög Sviss á öðrum tilveru- og reyndarstigum þurfi að hafa áhyggjur.
Fór með hundinn út að skíta, mér og honum til heilsubótar. Varð litið upp (þó það sé nú hálfgildings tabú þessa dagana).
Og vitiði hvað? – Ég fer ekki ofan af því: Helvíti væri nú hægt að fá fínan pening fyrir þessi norðurljós okkar.
Að mínu viti er það ákaflega slæm og dapurleg hreppapólitík að heimta bætur af þurfalingi og skjóta svo síðustu mjólkurkúna hans.