Baggalútur

Þjóðbók

Jónas Hallgrímsson
listaskald.blogmania.co.uk

fjær ertu fornri
frægð þinni
dallur dóps og sælu
pólsins stjarna
starir niðurlægð
yfir Fáskrúðsfjörð

smygli öngvu eirir
armur laga
upprætir amfetamín
en lyfseðla ljúfa
fær lögregla
aldrei upp tekið

27/9/07 • Þjóðbók

Jónas Hallgrímsson

Kreppuráð XXII

Um þrengsli siglir þjóðarfley.
Þyrsti mig í sopa;
í klukkubúðum kaupi ei
kardemommudropa.

31/12/69

Jónas Hallgrímsson

Áhyggjur

Það var sagt mér að íslenskan væri eitthvað að slappast. Gæðin væru einfaldlega ekki eins góð og í gamla daga.

Ég er ekki að fíla það.

31/12/69

Jónas Hallgrímsson

Hvað er svo glatt sem knattar kappar fráir,
er kætin skín á vonarhýrri brá?
Eins og á HM, leikjum skrýðast skjáir,
skýrist og glæðist hugarkætin þá.
Og meðan ei er glötuð heimsins glóra
og glæstar spyrnur lýðum veita spark,
þá er það víst, að blómin traustust tóra
í takkaskóm, sem geta skorað mark.

31/12/69

Jónas Hallgrímsson

Lærdómur

Jæja, þá veit ég hversu mörg essemmess þarf til að færa Íslandi 12 stig.

Það sem ég veit hins vegar ekki er hversu brjálaður Konráð verður þegar hann fær símreikninginn sinn.

31/12/69

Jónas Hallgrímsson

Heiðlóukvæði

Ljót ertu lóa
lúsa og flóa
bæli - og bannsett pest.
Ljót ertá litinn
lítil og skitin
fúl eru egg þín flest.

Ljót ertí lyndi
lymskunnar yndi
blautt í þér hjarta berst.
Ljót eru ljóð þín
leið eru hljóð þín
- en söngröddin sýnu verst.

31/12/69

Jónas Hallgrímsson

Valkvíði

Tvennt í stöðunni.
Ódauðleg sonnettuskrif og rósavínsflaska
EÐA
alger hellun í bænum og sirka 20% séns á sleik.

... Nema auðvitað ég taki bara flöskuna með.

31/12/69

Jónas Hallgrímsson

Áning að aflokinni drykkju

Snemma burt úr bænum skreið
búinn eftir þeysireið
kvaddi kráarsælu
loppinn hálstau leysti frá
listaskáldið kreisti þá
upp úr hálsi ælu

31/12/69

Jónas Hallgrímsson

Hrun

feta fjármál
fjandans stigu
velkjast um vegu heljar
öll er upphefð
aldar nýrrar
kaldri fortíð falin

lepja dauða
drambsins þrælar
brátt úr bleikri skel
fallin er króna
fallin æra
Íslands óskabarna

31/12/69

Jónas Hallgrímsson

Bobbsterinn

Alveg væri ég að fíla það að fá Fischer í þjóðargrafreitinn. Við Einsi erum löngu búnir að rífast um allt sem hægt er að rífast um. Auk þess væri það ljómandi tækifæri til að rifja upp mannganginn.

31/12/69

Jónas Hallgrímsson

Eitt lítið spursmál, tilvistarlegs eðlis

Elsku besta Bíónsí
með botn þinn öðrum fegri;
skyldi eg séns þig eiga í
- ef ég væri negri?

31/12/69

Jónas Hallgrímsson

Jólastaðreynd

Las það einhvers staðar að það þyrfti að tæma ca. 400 stykki af litlu súkkulaðiflöskunum í nóakonfektkössunum til að finna almennilega á sér.

Það stemmir.

31/12/69

Jónas Hallgrímsson

Niðurlæging

Þvílík niðurlæging. Ég að leika jólasvein í Glæsibæ. Ég! Listaskáldið góða. Gaulandi gekkégyfirsjóog land og adamáttisynisjö - þvílíkur annar eins hortittlingaskítur og leir.

Eins gott að ég fái nóg fyrir vænum sjenna fyrir þetta helvíti.

31/12/69

1, 2, 3, 4, 5, 6, 7