Mylsnufan sendi mylsnudreifara eftirfarandi símbréf:

„Á útvarpsstöð Latabæjar, eða „útvarpi Ambögubæ,“ eins og ég kýs að kalla það, heyrði ég nokkuð snoturt lag á dögunum. Lagið fjallaði um lítinn Mexíkóa með mexíkóahatt sem bjó einn í litlum bjálkakofa. Það var hinsvegar amböguskjóðunni Kötlu Maríu ofviða að fara með málfræðilega réttan texta í laginu. Hún söng: „Lítill Mexíkani með Sommsommbreró!“ Ítrekað. Klifaði bókstaflega á þessum ambögum; Mexíkani og Sommsommbreró! Ég spyr: Hvar og hvað er þetta Mexíkan? Er það ef til vill nálægt Mexíkó? Og hvaða orðskrípi er þetta Sommsommbreró? Er þetta ef til vill danska; Mexico og Sombrero? Uss! segir Mylsnufan.“

Já - það gerir mylsnudreifari líka.

Ási í Bæ orti um „ekta mexíkanahatt.“ Mylsnudreifari spyr: Er þarna kominn sommsommbreróinn sem Katla María syngur um? Og hvað er þetta „Bæ?“ „Ási í Bless,“ á þetta auðvitað að vera! Auk þess legg ég til að skipt verði alveg um stjórn í Efstaleiti. Og hvar er málfarsráðunauturinn? Er hann að sóla sig í „Mexíkan?“

Aumt er Ísland
enginn sómi
glötuð virðing, vegsemd.
Heillum horfin
hímir svikin
þjóð í djúpum draumi.

Illt er umtal
eiturtungna
nöðrum netið ofið.
Aumt er Ísland,
eymdarbæli.
Þung er sorg á sinni.

Andskotans helvítis ekkisens þorri.
Andsvítans bévítans skrattskrambans þorri.
Déskotans rækallsins djöfulsins þorri.
Defilsins grefilsins ólukkans þorri.

Þorri sestur, þrútnar sinni
þá er best að híma inni.
Rökkurgestur ringlar minni.
Reyni flest á eigin skinni.

Tíminn er eins og vatnið... #kalt #djupt #vitundminsjalfs #mynd #maluðafokkur #50/50 #rennainni #vms #veglausttilthurrdar #togv

Vá! Takk fyrir allar afmæliskveðjurnar í gær. Öll lækin, pókin og kommentin. Maður er bara orðlaus. Knús á ykkur öll til baka sætu. Sússi. #jólabarn #YOLO #jóló #messíaserhress #afmælisstrákur #sússaknús #sætusætu #afmæliájólunumsökka #saddur #timbraður #iphonefrápabba #djammíkvöld

Við elskum okkar smjör.
Það er gult og mjúkt.

Og meistarakokkarnir segja:

Að þetta sé.
Besta smjör heimsins!

En þetta er bara tímabundið ástand.
Við höfum áður flutt inn smjör.
En þetta stafar af því.

Að það er.
Neyslubylting í fitunni!

Og við verðum að fá þetta smjör frá vinum okkar Írunum.
Og setja í örfáar vörur.
Og svo kemur bara næsta ár.

Með allri sinni mjólk!

Ljósmóðir, ljósmóðir
leiðindaslytti,
vemmilegt, væmið
vitsmunamorð.
Fari það fjósslóðir
fúlum í pytti.
Klígjulegt, klæmið
og klunnalegt orð.

Gekk út ok vó mann. #LOL #hannvarfyrir #oheppinn #ups #kvidstunga #egilsadsjalfsogdu #egills #vegavinnan #hashtag #djofullerekfullr #efniidrapu #fimmtudagsflipper #YOLO

Nú er ég kannski ekki sérfræðingur, en ef ég hefði gert framhaldsmynd um þrumudrenginn Þór, þá hefði hún tvímælalaust borið titilinn: „Mjöllnir snýr aftur“.

WHOOP! WHOOP!

Gaf brabra;

ekkert eftir.

Ég hefi af því þungar áhyggjur að amerískir kvikmyndadólgar sýna landið okkar æ oftar sem svokallaðan „tökustað“. Sérstaklega í tengslum við kvikmyndir sem ætlað er að höfða til vera af öðrum lífsstjörnum.

Ég tel aðeins tímaspursmál þar til gerkosmískar verur, t.d. geimverur fara að taka fólk, ófrjálsri hendi og án þess samþykkis, af þessum stöðum.