Skelfilega getur fólk verið skammsýnt. Hér er ég með frábærar tillögur, tímamótatillögur, um að breyta Breiðholtinu í stærsta friðland apa í heiminum. En manni er ekki einu sinni ansað hjá borgarskipulagi. Bévítans molbúar.
Mikið lifandis ósköp er Reykjavíkin mín alltaf falleg. Vesturbærinn ilmar. Perluna ber við himinn. Fuglar syngja. Það er vor í lofti.
En mikið djöfulli sökkar Kópavogurinn...
Voðalega fer það í taugarnar á mér þegar fólk er að hengja ókláraðar og krumpaðar skissur eftir mig upp á vegg. Hefur þetta fólk engan smekk? Kommon. Það er ekki eins og hver einasta servíetta sem ég snýti mér í sé gargandi meistaraverk...