RIKKI G. skrifar á fésbókarsíðu útvarpsstöðvarinnar FM957 í morgun:
„Sæææælar! Hver er Facebook notkun þín á dag í klukkutímum talið??“.
Stuðávarpið 'Sæææælar!' kannast ég ekki við í þessari mynd. Þrjú æ eru feykinóg til áhersluauka. Auk þess þykir mér óþarfa bruðl að nota tvö spurnarmerki í lok setningar. Nema maður sé þeim mun áfjáðari í að fá svar um hæl – sem máske var raunin í þessu tilviki.
Seljabrytableikjulið
boðið mun mér vart í.
En hangið get ég heima við
og halt míns eigins partí.
Óttalegt tilstand er þetta. Vefsíður, verðlaun og vemmilegheit.
Það er eins og hagmæltar fyllibyttur hafi aldrei orðið 200 ára fyrr.