Baggalútur

Þjóðbók

Jónas Hallgrímsson
listaskald.blogmania.co.uk

Hættu að gráta Hannes minn,
þú heiðurssómapiltur
Ég skal vera vinur þinn
verði Davíð trylltur.

Hættu að gráta Hannes minn,
þó hugsjón þinni blæði.
Ég skal þerra þína kinn
uns þrýtur Davíð bræði.

Hættu að gráta Hannes minn,
þú hreini frelsiskjaftur.
Ég skal breiða út boðskapinn
brjálist Davíð aftur.

20/2/10 • Þjóðbók

Jónas Hallgrímsson

Eiður

Eiður, lukkan er með þér
hún aldrei virðist bila.
Það munar um, ef maður fer
til Mónakó – að spila.

31/12/69

Jónas Hallgrímsson

Menningarnótt

Nú er ekki svefnfriður á bekknum mínum fyrir einhverju ísklísturðu úthverfakítti í örvæntingarfullri leit að menningu.

Hvað er það við orðið „nótt“ sem fólk skilur ekki?

31/12/69

Jónas Hallgrímsson

Saman hér á ný

Ég samdi minn fyrsta dægurlagatexta í dag. Hann heitir Saman hér á ný og er í svokölluðum neó-Selfossstíl:

Sitjum hér þú og ég
alltaf hér enn á ný.
Förum saman út í geim
förum saman hér á ný.

Ekki fara frá mér hér
alltaf vera hér hjá mér.
Svífum saman þú og ég
saman hér, við á ný.

31/12/69

Jónas Hallgrímsson

Áfengisskattur

Nú er mér nóg boðið. Ég sem ekki kvæði um svo mikið sem örkumlaðan ánamaðk fyrr en þessi nýjasti öreigaskattur verður borinn öfugur til baka.

Maður fer ekki að geta leyft sér annað en bótalím og kannski smá Crystal Meth á sunnudögum með þessu áframhaldi.

31/12/69

Jónas Hallgrímsson

Af glætu vonar

Aumingjans þjóðin mín, öll í hnút
eygir loksins von.
Jóhanna skuld okkar jafnar út
í Júróvisíon.

31/12/69

Jónas Hallgrímsson

Af náðhúsum lýðræðisins

Liggi manni lífið á
að láta skoðun fjúka
í náðhús þings og þjóðar má
þræll í leyni kúka.

31/12/69

Jónas Hallgrímsson

Móttaka

Jæja, þá er kjepz kominn í sparigallann. Nýstrokinn og sætur. Mættur til Eskifjarðar. Svo er bara að drífa sig niður á höfn og brosa sínu blíðasta.

Það er ekki á hverjum degi sem jólasveinninn kemur að landi hér á skerinu.

31/12/69

Jónas Hallgrímsson

Af afleiðingum uppátekta í blakkáti

Skrambinn. Nú man ég ekki fyrir mitt litla líf á hvorum landsfundinum ég klæddi mig úr fötunum, stríkaði gegnum salinn og út á götu.

Andskotans absint.

31/12/69

Jónas Hallgrímsson

Listamannalaun

Helvítisfokkingfokk. Gleymdi enn og aftur að sækja um þessi bévítans listamannalaun. Eina huggunin að losna við niðurlæginguna sem fylgir því að fá þau.

31/12/69

Jónas Hallgrímsson

Af óafturkræfu hrekkleysi íslenskra auðjöfra á alþjóðamarkaði

Vér auðmenn á svakalegt svall fórum,
þar svignuðu borð undan hnallþórum.
Þar menn höfðu mætur
og misjafnar gætur
á auðveldum íslenskum karlhórum.

31/12/69

Jónas Hallgrímsson

Örstutt um álit mitt á pólskiptum, almennt

Hægri, vinstri, vestur, austur
vetur, sumar, upp og niður
Ef ég væri ungur, hraustur
ég allt það klæddí tjörog fiður.

31/12/69

Jónas Hallgrímsson

Af viðvarandi óréttlæti skemmtanalífsins

Vér mótmælum, allir sem einn
órétti, spillingu, valdi.
Hér kvenmaður næst ekki neinn
nema gegn ást, eður gjaldi.