Þú syndum hlaðna drottning lífsins lasta
sem laðar til þín gírug fórnarlömb.
Þér dreyrsultaðri í glenntan kjaft minn kasta
og kýli bleiktum rjóma þanda vömb.

Fór með hundinn út að skíta, mér og honum til heilsubótar. Varð litið upp (þó það sé nú hálfgildings tabú þessa dagana).

Og vitiði hvað? – Ég fer ekki ofan af því: Helvíti væri nú hægt að fá fínan pening fyrir þessi norðurljós okkar.

Engin björg er Bjögga veitt
bannaðar þær flestar.
Flaggskip eitt í Austurhöfn
mun aldrei leysa festar.

Í búningsklefans baðherbergi
býður mér við flestu.
Þar gólfið hári, húð og mergi
hulið er að mestu.

Armir snúa aftur heim
auðmenn, beint í gömlu fjósin.
Mættu hættað hlæjað þeim
sem hyggjast selja norðurljósin.

Grætur sáran grjót og hjarn
um gleymda dali.
Sokkið er þeim óskabarn
í Ægis sali.

Mikið stóðu handboltastrákarnir okkar sig vel austur í Peking. Það var hrein unun að fylgjast með þeim. Að sjá þessi drengi handleika knött! Það er bara ólýsanlegt.

Svo vona ég bara innilega að þeir fái eitthvað að ríða út á þessa Fálkaorðu. Allavega fékk ég það - töluvert.

Þú er dynvængjuð flögraðir dáleidd af leið
að dulfylltu ljósperubliki
ei hugðir hvar fingur að baki því beið
og brothættri ævi þér lyki.

Þú húðlita bjargráð, þú innyflum útfyllta sin;
undirlögð margræðum sósum, á laukstráðu beði.
Af algleymisfögnuði langþráðum logar mitt gin
er ljúkast um enda þér titrandi varir, af gleði.

Sem fyrr er skammsýni landa minna með hreinum ólíkindum. Hvað er verið að virkja þessar hálendissprænur allar?

Sjá menn ekki að umhverfis landið liggur gullnáma? Sannið til, f hugmyndir mínar um flóðsogfjöruvirkjanir ná fram að ganga ér lýðveldinu borgið til frambúðar.

Mér þykir vanta bæði framsýni og stórhug í alla umræðu um skipulagsmál hér á landi. Ótrúleg skammsýni ræður ríkjum. Framtíðin er neðanjarðar.

Við þurfum að byggja upp öflugt neðanjarðarhraðlestakerfi sem nær milli alla þéttbýlisstaða landsins og yfir á nærliggjandi eyríki og heimsálfur. Sanniði til, þegar slíkt kerfi er komið í gagnið þarf enginn lengur á flugvelli að halda.

Helvítis vesen. Búið að aflýsa Dakarrallinu. Hvurn grefilinn á ég nú að gera við sand- og hitaþolna ullar/mysu/vetnisknúna háhröðunarsvifnökkvann sem ég er búinn að vera að skrúfa saman síðan í september?

Típískt.

Ó hvítbrýndi sveinn hinna vestrænu vellauðgu heima
er vonglaður keyrir þinn drekkhlaðna sleðung um rann
ef nem ég við ljóra - minn skítsæla skæðung að geyma
þig skjálfandi bið þess að gefa mér flatskjá í hann