Obbossí. Ég pissaði í buxurnar af spenningi.
Jón Sigurðsson
Bara eitt, örstutt. Næst þegar þið grafið mig upp, til að tékka á arsenikeitrun, geimverufingraförum, skotsárum eða svoleiðis dótaríi. Nenniði að láta mig fá æpadd áður en þið mokið mig aftur niður.
Jón Sigurðsson
Hananú! Myndin af mér er skökk.
Fávitar.
Jón Sigurðsson
Naujnauj. Fimmhundruðkallinn bara að verða tvíalda í ár. Imba, ef þú lest þetta, þá er óskalistinn svohljóðandi:
1) iPad 2.
2) Þrívíddarsjónvarp.
3) Konungssamband við Danmörku.
Jón Sigurðsson
Jæja. Ég hef ákveðið hverja ég mun styðja til setu á Stjórnlagaþingi.
Útlendingana.
Jón Sigurðsson
Var að spá í að henda upp framboði til stjórnlagaþings. Ákvað svo bara að kaupa fullt af nammi og glápa á sjúkraliðasápu með Imbu í staðinn.
Jón Sigurðsson
Fokk! Stýrivextirnir komnir undir 10%. Ég verð þá víst að láta verða af því að fjarlægja af mér öll líkamshár. NTS: Verð að fara að hætta þessum veðmálum við Imbu.
Jón Sigurðsson
Æi, alltaf skal þessi dagur minna mig á að ég hefði betur gerst slátrari, eins og hún móðir mín blessunin vildi.
Jón Sigurðsson
Nú ætla ég ekki að hljóma leiðinlegur, eða sár yfir að hafa verið skilinn útundan.
En mikið óskaplega hljómar „Vér mótmælum allir!“ betur en „Stemmingin var æðislega góð“.
Jón Sigurðsson
Ég vil bara taka það fram í eitt skipti fyrir öll að ég myndi aldrei fara að grenja yfir þessu fokkings Icesavemáli. Þannig að þetta afdalaafturhaldshyski sem sjoppaði mig og klíndi fugldrituðu smettinu á mér í öll dagblöð um daginn getur bara tekið þessar heilsíður sínar og troðið rakleitt upp um langspilið á sér.
Ég hef raunar aldrei grátið nema í þetta eina skipti þegar hún Imba mín setti smjörsýruna í grjónagrautinn.
Jón Sigurðsson
Helvítis andskotans asni var ég að vera að púkka upp á þetta Íslendingapakk. Ég hefði betur eytt orku í að berjast fyrir sjálfstæði Færeyinga, eins og mamma sagði mér alltaf að gera.
Jón Sigurðsson
Ef þessi þjóð á í fyllingu tímans að verða að einhverju, þá verður hún að gjöra svo vel að hætta að tryllast úr fögnuði í hvert einasta skipti sem eitthvert okkar lendir í öðru sæti.
Jón Sigurðsson
Mætti á Austurvöll mér til heilsubótar og sjálfstyrkingar.
Hnoðaði meir að segja vænan snjóbolta og dúndraði í dönsku krúnuna, sem enn hvílir á Alþingishúsinu – okkur til háðungar og skammar.
Helvíti hressandi. Kallinn er ennþá með þetta.