Þjóðbók
Ég má til með að vekja athygli á því óréttlæti sem kjósendum á öðrum tilverustigum er sýnt. Það er óþolandi að atkvæði sem berast eftir gerkosmískum leiðum séu ekki tekin gild. Og það er grátlegt að milljónir megineigindlegra atkvæða skuli þannig glatast vegna skilningsleysis og þröngsýni yfirvalda.
Dr. Helgi Pjeturss
Ég hefi af því þungar áhyggjur að amerískir kvikmyndadólgar sýna landið okkar æ oftar sem svokallaðan „tökustað“. Sérstaklega í tengslum við kvikmyndir sem ætlað er að höfða til vera af öðrum lífsstjörnum.
Ég tel aðeins tímaspursmál þar til gerkosmískar verur, t.d. geimverur fara að taka fólk, ófrjálsri hendi og án þess samþykkis, af þessum stöðum.
Ég tel aðeins tímaspursmál þar til gerkosmískar verur, t.d. geimverur fara að taka fólk, ófrjálsri hendi og án þess samþykkis, af þessum stöðum.
Dr. Helgi Pjeturss
„Til greina kemur að taka upp atriði fyrir nýja Star Trek-mynd á Íslandi í sumar“ segir í einum falsmiðlanna. Vita þessir blessuðu blaðasnápar ekki að sögusvið Star Trek er ekki bara í fjarlægum útgeimi, heldur aukinheldur í framtíðinni? Bjálfar.
Dr. Helgi Pjeturss
Ég hef verið hafður að ginningarfífli! Verið fíflaður og prettaður! Er búinn að vera í frábæru gerkosmísku sambandi við lífveru sem ég þóttist sannlega sannfærður um að væri af annarri lífstjörnu, svo langt frá öllum okkar veruleika var hún í hugsun og hátterni. Svo reyndist þetta bara vera einhver skrifstofublók úr einni skilanefndinni.
Dr. Helgi Pjeturss
Hvað ætli ég sé búinn að boða til margra blaðamannafunda um líf á öðrum lífstjörnum í gegnum tíðina? Svo þegar NASA gerir það ... þá er það eitthvað voðalega merkilegt. Isspiss segi ég nú bara.
Dr. Helgi Pjeturss
Að gefnu tilefni vil ég árétta það að geimverur eru alls ekki allar hættulegar. Af þeim 173,67 kvintilljón skráðum geimverum í nálægum vetrarbrautum eru ekki nema rétt rúmlega 4 kvaðrilljónir skráðar sem varasamar og aðeins um 34 billjarðar, tæplega, eftirlýstar fyrir skemmdarverk á annarra manna sólkerfum.
Dr. Helgi Pjeturss
Loksins, loksins hef ég fundið óumdeilanlegar sannanir fyrir blómlegu lífi á öðrum lífsstjörnum. Ég bendi öllum efasemdarmönnum að fylgjast með útsendingum frá vetrarólympíuleikunum í Vancouver.
Dr. Helgi Pjeturss
Allir sannir aðdáendur gerkosmískra samskipta og þvergalatískrar diplómasíu hljóta að fagna vasklegri framgöngu forsetans á síðustu dögum.
Ég var farinn að halda að það hefðu verið mistök að koma geimveru fyrir á Bessastöðum.
Ég var farinn að halda að það hefðu verið mistök að koma geimveru fyrir á Bessastöðum.
Dr. Helgi Pjeturss
Ég hefi gert stórkostlega uppgötvun. Svo virðist sem stór hluti þeirra sem komu á einhvern hátt að hruninu búi í annarri tilvistarvídd en þorri almennings, vídd þar sem önnur lögmál og viðmið ríkja en við eigum að venjast. Ef rétt reynist eru þetta stórkostleg gerkosmísk tíðendi. Nú þarf ég einungis að ná þessum mönnum og kryfja þá.
Dr. Helgi Pjeturss
Ég vissi það! Frændur okkar í Bretlandi hafa lengi vitað um líf á öðrum lífstjörnum. Og þeir hafa skrifað skýrslur um astrómekanísk farartæki og gert um þau hvurskyns nótasjónir. Sumt af þessu má skoða hér. En ég spyr: Hvar eru leyniskýrslur Bjarna Ben.? Við vitum öll að þær eru til. Fram í dagsljósið með þetta TAFARLAUST!
Dr. Helgi Pjeturss
Heldur þykir mér ótrúverðugt þegar stjórnmálamenn tala fjálglega um alheimskreppu. Þegar vetrarbrautin okkar skilaði 515 grilljón sjörnudúkarta methagnaði á síðasta ársfjórðungi (m.v. við meðalár innan brautarinnar).
Nær lagi væri að tala um sólkerfiskreppu (jafnvel þó rúm 70 ár séu í að Plútverjar skili næstu ársskýrslu).
Nær lagi væri að tala um sólkerfiskreppu (jafnvel þó rúm 70 ár séu í að Plútverjar skili næstu ársskýrslu).
Dr. Helgi Pjeturss
Ég vil, að gefnu tilefni, minna á að síðustu forvöð til að senda jólakveðjur til annarra lífsstjarna eru kl. 10.30 í fyrramálið.
Athugið einnig að ekki verður tekið við fleiri kveðjum frá framliðnum. Kóbaltið er á þrotum á lager.
Athugið einnig að ekki verður tekið við fleiri kveðjum frá framliðnum. Kóbaltið er á þrotum á lager.
Dr. Helgi Pjeturss
Gat nú verið. Nú á aldeilis að fara að spara. Og hvar skyldi fyrst vera skorið niður? Jú, mikið rétt. Það er enn og aftur búið að fresta byggingu stjörnusambandsstöðvar á Eyrarfjalli. Svei mér þá. Þetta pakk á hreinlega ekki skilið að uppgötva líf á öðrum lífsstjörnum.
Fréttir
Lesbók
Úr þjóðbók
Jæja, ég verð víst að játa mig sigraðan. Við ráðum ekkert við þetta blessaða sjálfstæði. Endar bara með tómu veseni.
Sorrí.
Eru engin takmörk fyrir því hversu lágt þessi Halldór LochNess eða hvað hann nú heitir sá ágæti maður, getur lagst? Ég held nú að hann ætti að einbeita sér að því að læra stafsetningu en að bera út róg um sér siðprúðari og sómakærri menn. En svona fyrst við erum á annað borð byrjaðir á játningunum, hver var það þá sem drakk sig útúr og lét tattúvera sænska fánann á bossann á sér eftir nóbelsverðlaunahátíðina? Ha?
Helblá krumlan kreistir mig
í kafi marar hafísinn
hve þá lengi lystir þig
að lafa þarna Davíð minn?