Mikið er þetta notalegt. Nú þarf ég ekki lengur að skælast upp á Þingvelli til að finna hrjóstrugar auðnir til að mála.

Nóg að fara bara í miðbæinn.

Ég hef einfaldan mælikvarða á gæði manneskjunnar; ef hún ber tilhlýðilega virðingu fyrir sauðkindinni, er með sæmilegt brageyra og getur etið súran pung án þess að kúgast - þá má hún fyrir mér vera röndótt á lit. Og þess vegna dönsk.

Armir snúa aftur heim
auðmenn, beint í gömlu fjósin.
Mættu hættað hlæjað þeim
sem hyggjast selja norðurljósin.