Ég orti nýtt kvæði í morgun. Ég held að ég sé að ná að fullkomna stílinn.

Mér finnst gott að maula ís,

mikið fínt og gaman.

Mamma er sko í mussu úr flís,

mikið er það gaman.

Er annars að pæla í því hvort þetta „sko“ eigi kannski ekkert heima þarna. Það er náttúrulega danska.

Voðalega er unga fólkið orðið dónalegt í seinni tíð. Ég fór í dag að kaupa málningu í nýja flenniverkið mitt: „Rjúpa ælir blóði í kvöldroðanum við Rauðhóla“ – og afgreiðsluskjátan horfði á mig eins og ég væri Drakúla greifi að kaupa jómfrúarblóð fyrir innflutningsteiti.

Ef einhver finnur einnota kodak myndavél með myndum sem svara til ofangreindrar lýsingar má sá hinn sami gjarnan hafa samband við mig.