Þjóðbók
Einar Ben
einarben.wordpress.com
Armir snúa aftur heim
auðmenn, beint í gömlu fjósin.
Mættu hættað hlæjað þeim
sem hyggjast selja norðurljósin.
Jónas frá Hriflu
Nei andskotinn. Fjórar konur í ríkisstjórn! Hvað næst - karlkyns hjúkkur?
 
Jónas Hallgrímsson
Ég orti nýtt kvæði í morgun. Ég held að ég sé að ná að fullkomna stílinn.

Mér finnst gott að maula ís,

mikið fínt og gaman.

Mamma er sko í mussu úr flís,

mikið er það gaman.


Er annars að pæla í því hvort þetta „sko“ eigi kannski ekkert heima þarna. Það er náttúrulega danska.

 
Jónas Hallgrímsson
Note to self: Ekki skrifa ódauðlega sonnettu á kjörseðlinn. Það ógildir atkvæðið...
 
Halldór Kiljan Laxness
Fari það í fúlan pytt. Er nú verið að næla stórriddarakrossi á einhvurja vesturíslenska ballerínu! Isspiss. Allir geta nú feingið þetta glingur. Mín fer rakleitt á íbei eftir helgi...
 
Einar Ben
Nú er bara að hysja upp um sig buxurnar, mynda stjórn, ýta rauðsprettunum öfundsjúku endanlega út í sitt vinstra horn - og byrja að stífla fyrir einhverja alvöru...
 
Jónas frá Hriflu
Þetta voru nú ljótu úrslitin :(. Að mínir menn geti ekki einu sinni slefað formanninum inn á þing er auðvitað gersamlega glatað. Það hefði betur farið á því að hafa kind í 1. sætinu, eins og ég stakk upp á...
 
Tómas Guðmundsson
Sko til, er ekki blessuð sólin farin að skína á Reykjavíkina mína. Allt hún elskar ljúfust stjarna. Gleði barna. Angan Vesturbæjar. En mikið lifandis, skelfing vona ég að helvítis Garðabæinn rigni niður í sumar...
 
Jón Sigurðsson
Hvað á maður að kjósa af þessum liðleskjum sem í framboði eru til hins háa Alþingis? Ég hef verulega illan bifur á þessu stóði öllu. Ætli það endi ekki með því að maður skili auðu, eins og venjulega...
 
Jóhannes S. Kjarval
Mikið hlakka ég nú til að fara upp á Þingvelli og liggja þar með trönurnar fram á haust. Mála kannski soldið hraun. Bara að muna að taka með frjóofnæmispillurnar svo þetta endi ekki eins og í fyrra...
 
Hjálmar Jónsson frá Bólu
Djöfuls andskotans auðvaldspungar og gróðabísar, mergsjúgandi mann í vöku sem draumi. Réttast væri að taka þessa snápa alla sem einn og blóðflengja þá með vænum hrísvendi á fitubólginn bossann...
 
Halldór Kiljan Laxness
Þvílík ekkisens vonbrigði. Að láta þessa kotrosknu rauðbrystinga stela sigrinum, óverðskuldað, í framleingingu - hneyksli. Það held ég að ef hann Eiður okkar hefði enn verið í röðum blástakkanna hefði hann ekki látið þessa ófrýnilegu spóaleggi komast upp með viðlíka moðreyk...
 
Sr. Hallgrímur Pétursson
Við Gudda kíktum út að éta í gærkvöldi. Maturinn var ágætur sosum, ég fékk mér signa grásleppu á hvannjólabeði og Gudda fékk sér gufusoðnar lambalappir með púðursykurgljáðu skarfakáli. Ágætismatur alveg. Allavega - svo fengum við reikninginn og þá rak mig í rogastans. Tólf krónur fyrir signa grásleppu og sjö krónur og 13 aura fyrir lambalappirnar! Þetta er náttúrulega galið. Sérstaklega í ljós þess að náunginn sem afgreiddi okkur var einhver fjandans útlendingssauður sem ekkert virtist skilja- sennilega kominn hingað frá ...
 
        1, 2, 3 ... 44, 45, 46, 47  
m.baggalutur.is Facebook Tvítill Tónlist.is iTunes YouTube Instagram RSS
Fréttir
Myglar – 24.04.23
 
Enter – 31.05.21
 
Enter – 22.10.20
 
Lesbók
Enter
 
Úr þjóðbók

Ég hef ákveðið að uppfæra orðaforða minn til að vera í takt við tímann: Í stað þess að segja „Segðu...“ þegar ég er sammála síðasta ræðumanni segi ég núna „Heldurðu...“ Miklu meira inn.

Ég tek þetta aftur með hinn vangan.

Ég skal svoleiðis taka þessa útrásarplebba upp á eyrunum næst þegar ég sé þá.

Óska hér með eftir að vera boðið í gott júróvisjónpartí í kvöld. Lofa að setja ekkert út á lagasmíðarnar og að fara ekki að semja neitt á heimilistækin eftir miðnætti.

Baggalútur er hýstur af alúð og umhyggju hjá ADVANIA