Mér finnst gott að maula ís,
mikið fínt og gaman.
Mamma er sko í mussu úr flís,
mikið er það gaman.
Er annars að pæla í því hvort þetta „sko“ eigi kannski ekkert heima þarna. Það er náttúrulega danska.
Landsins orðstír óðum deyr
ástandið er skósvart.
Hnípinn muldrar greyið Geir
– það gerðist bara óvart.
Vinur minn í fræðunum, stór og stæðilegur, afar fróður og með mikinn og einlægan áhuga á hvers kyns afkimum mannlegrar hegðunar kom til mín mað grátstafinn í kverkunum og sagðist ekki geta þetta lengur. „Geta hvað?“ spurði ég sakleysislega þó ég vissi fullvel að hann væri að vísa til eldheitra ástaratlota sinna og feitlagna nærsýna bókavarðarins með uppsnúna efrivararskeggið í ónefndri matvöruverslun hér í bæ...
Það er mér mikill heiður að tilkynna vaxtalaust 8 billjón stjörnudúkarta lán til lýðveldisins frá fjarlægri, vinveittri lífsstjörnu sem ég hef átt í nokkrum samskiptum við undanfarið.
Slæmu fréttirnar eru að millifærslan þarf að berast 4.000 ljósára leið.